Samfélagsmiðlar

Jarðskjálfti fældi ekki ferðamenn í burtu

Þrátt fyrir skelfilegar afleiðingar jarðskjálftans í Marokkó 8. september, sem sagðar voru fréttir af um allan heim, hafa ferðamenn haldið áfram að streyma til landsins.

Marrakesh

Götumynd frá Marrakesh

Að kvöldi föstudagsins 8. september reið jarðskjálfti af stærðinni 6,8 yfir Marokkó. Hann átti upptök sín í Atlas-fjöllum, rúmlega 70 kílómetrum frá Marrakesh, þar sem búa um 840 þúsund manns og mikill fjöldi ferðamanna heimsækir árið um kring. Hátt í þrjú þúsund manns létu lífið í skjálftanum og mörg hundruð slösuðust. Flest fórnarlömbin bjuggu í fjallaþorpum nærri upptökum – í Al-Haouz, Taroudant og Chichaoua-héruðum. Mikið tjón varð á húsum og öðrum mannvirkjum.

Fréttir af þessum atburðum bárust fljótt um heimsbyggðina og mörgum hér heima – í landi jarðskjálfta og eldgosa – hefur vafalaust runnið til rifja að sjá hversu vanbúnir Marokkóbúar voru – og hversu illa byggð hús eru á þessum slóðum.

Dagur og kvöld í Jemaa el-Fnaa í medínu Marrakesh – MYND: ÓJ

Marokkó er vinsælt ferðamannaland og margir sem heimsótt hafa landið hugsuðu vafalaust hlýlega til landsmanna. Meðan neyðarástand ríkti var ferðum til landsins aflýst eða þeim frestað. En athyglisvert er að nú berast upplýsingar sem benda til þess að margir þeirra sem pantað höfðu ferð til Marokkó í september hafi ekki hætt við að heimsækja landið. 

Nú hefur Ferðamálaráð Marokkó upplýst að 960 þúsund erlendir ferðamenn hafi komið til landsins í september eða 8,5 prósentum fleiri en í sama mánuði ferðaárið 2019 – fyrir heimsfaraldur. Á fyrstu níu mánuðum þess árs hefur verið stöðug fjölgun ferðamanna í Marokkó. Fjölgunin er rúm 40 prósent miðað við sama tímabil 2019. 

Nýtt efni

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …