Samfélagsmiðlar

Reyna að hindra kaupin á SAS

Nú er vika liðin frá því að tilkynnt var hvaða hópur fjárfesta hefði boðið best í hlutafjárútboði sem stjórn SAS efndi til fyrr á árinu. Þessi hópur samanstendur af fjárfestingafélaginu Castlelake, danska ríkinu, flugfélagasamteypunni Air France-KLM og danska sjóðnum Lind Invest.

Fyrirfram var búist við að bandaríski fjárfestingasjóðurinn Apollo Capital Management yrði meðal nýrra hluthafa en svo fór ekki og nú reyna stjórnendur sjóðsins að stöðva kaup nýja hluthafanna.

Apollo lánaði nefnilega SAS 350 milljónir dollara, um 48 milljarða króna, í sumarlok 2022 þegar flugfélagið fékk samþykki bandarískra dómstóla fyrir gjaldþrotavernd. Það ferli kallast Chapter-11 og til að koma sér í gegnum það þá þurfti SAS á risaláni að halda. Þörfin var svo mikil að félagið samþykkti að greiða 11 prósent vexti.

Nú þegar nýir hluthafar eru fundnir vill stjórn SAS binda endi á bandarísku gjaldþrotaverndina og ganga frá kaupsamningi við nýju hluthafana. Sem lánveitandi hefur Apollo þó ákveðið vald í þessu ferli og nú fara lögmenn sjóðsins fram á að bandarískir dómstólar leyfi SAS ekki að greiða nýjum hluthöfum 3 milljónir dollara (um 420 milljónir króna) í eingreiðslu vegna þess kostnaðar sem þeir hafa borið af hlutafjárútboðinu.

Stjórnendur SAS segja það hins vegar nauðsynlegan hluta af kaupferlinu.

Danskur sérfræðingur í málefnum SAS segir í viðtali við norska viðskiptavefinn E24 ekki trúa öðru en þetta mál leysist. Nýi hluthafahópurinn verði einfaldlega að bíða með að rukka flugfélagið um fyrrnefndar 420 milljónir króna. Hver lendingin verður ætti að koma í ljós í vikunni.

Þess má geta að Apollo Capital Management og stærsti hluthafinn í Icelandair, Bain Capital Credit, eiga saman flugvélaleiguna Titan Aircraft Investments en sú á einmitt tvær breiðþotur sem Icelandair tók nýverið í gagnið sem fraktvélar.

Nýtt efni
Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …