Samfélagsmiðlar

Ríkisstjórnin skýri hvernig hækkun gjalda á rafbílum standist loftslagsmarkmið hennar

Náttúruverndarsamtök Íslands hafa sent fjármála-og efnahagsráðuneytinu bréf og óskað skýringa á því hvernig standa eigi að kílómetragjaldi á raf- og tengiltvinnbifreiðum.

Á bílastæði við Reynisfjöru

Í bréfinu, sem sent var fyrr í vikunni, vísa Náttúruverndarsamtökin til frumvarpsdraga sem kynnt eru í samráðsgátt en minna um leið á að í stefnuyfirlýsingu ríkisstjórnarinnar segir:

„Áfram verður unnið að því að breytingar á sköttum og gjöldum styðji við loftslagsmarkmið.“

Þrátt fyrir þessa stefnumörkun á nú að auka álögur á rafbíla. Náttúruverndarsamtökin telja augljóslega hæpið að það sé í samræmi við boðaða stjórnarstefnu.

Náttúruverndarsamtökin minna ríkisstjórnina á að losun hefur aukist hér á landi en að í frumvarpinu sé „ekki gerð grein fyrir því á hvern hátt fyrirhugaðar breytingar á sköttum og gjöldum samkvæmt frumvarpsdrögunum styðja við loftslagsmarkmið ríkisstjórnarinnar.“ 

Vísað er í greinargerð með frumvarpinu um kílómetragjaldið, þar sem segir: 

„Samhliða því gætu breytingar á kolefnisgjaldi viðhaldið hvötum sem nauðsynlegir eru til orkuskipta. Samandregið hvetur kílómetragjald almennt til aukinnar vitundar um akstur og getur þannig dregið úr umferð, tilheyrandi umferðartöfum og losun gróðurhúsalofttegunda frá samgöngum.“

En á öðrum stað í sama texta segir á hinn bóginn:

„Með gjaldtöku fyrir notkun rafbíla er upp að nokkru marki dregið úr hvötum til orkuskipta.“

Þarna er augljóst misræmi.

Bílastæði við Gullfoss – MYND: ÓJ

Náttúruverndarsamtökin segja í bréfi sínu til fjármála- og efnahagsráðuneytisins að vandinn sé sá að stjórnvöld hafi stuðlað að orkuskiptum í vegasamgöngum með því að lækka gjöld á rafbílum. Ríkissjóður hafi orðið af miklum fjármunum og vilji nú skiljanlega bæta það upp með því að innheimta akstursgjöld af þeim sem aka rafbílum. En Náttúruverndarsamtökin spyrja hvort ekki verði þá um leið „að hækka kolefnisgjaldið umtalsvert til að viðhalda hvatanum?“ 

Bent er á að í greinargerðinni sé ekki gerð grein fyrir því hversu mikið hækka eigi kolefnisgjald „til að koma í veg fyrir að kaup og akstur á orkufrekum bensín- og dísilbílum aukist um leið og kostnaður verður meiri við kaup og rekstur hreinorkubíla,“ eins og segir í erindi Náttúruverndarsamtakanna.  

Samtökin leggja því til að þegar frumvarpið verður lagt fyrir Alþingi fylgi því skýringar á því hvernig hækkun gjalda á hreinorkubílum standist loftslagsmarkmið ríkisstjórnarinnar. 

Meðal þeirra sem gagnrýnt hafa hversu óskýr stefna ríkisstjórnatinnar er í þessum málum er Egill Jóhannsson, forstjóri Brimborgar, sem sagði í viðtali við Túrista á dögunum:

„Þetta er eins óskýrt og það getur mögulega verið. Er það vegna þess að málin eru ekki hugsuð til enda? Eða eru menn hræddir og verða að fara eins og köttur í kringum heitan graut? Ég veit ekki hvað það er. Það er enginn fyrirsjáanleiki í þessu. Þetta skapar bara óvissu.“

Við Jökulsárlón – MYND: ÓJ

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …