Samfélagsmiðlar

Sky Lagoon er helsti segull höfuðborgarsvæðisins

Baðlónið Sky Lagoon í Kópavogi kemur oftast fyrir í leit ferðamanna frá Bandaríkjunum og Bretlandi á netinu að stöðum innan höfuðborgarsvæðisins. Næst á eftir koma Harpa og Hallgrímskirkja. Þetta eru niðurstöður athugunar sem birtinga- og ráðgjafarfyrirtækið Datera gerði.

Sky Lagoon

Fyrir utan Sky Lagoon í Kópavogi - sterkasta segulinn höfuðborgarsvæðinu ef marka má leitir á netinu.

Það er stundum talað um mikilvægi segla í ferðaþjónustu – að til séu staðir með sérstakt aðdráttarafl fyrir ferðafólk. Þau sem sóttu Ferðamálaþing höfuðborgarsvæðisins í Salnum í Kópavogi í dag urðu nokkurs vísari um það hvaða staðir í Reykjavík og nágrenni hafa mest segulmagn – ef marka má fjölda leita á netinu.

Könnunin náði til leitaráhuga á tveimur mikilvægustu markaðssvæðum íslenskrar ferðaþjónustu, í Bandaríkjunum og á Bretlandi. Þá voru hafðar til hliðsjónar leitir frá Íslandi. Þar er bæði um að ræða erlent ferðafólk sem komið er til landsins og svo heimamenn. Hjalti Már Einarsson, viðskiptaþróunarstjóri Datera, kynntir niðurstöðu þessarar athugunar á áhuga á Ferðamálaþingi höfuðborgarsvæðisins í dag.

Erlendir ferðamenn yfirgefa Sky Lagoon – MYND: ÓJ

  1. Sky Lagoon á Kársnesi í Kópavogi er lang sterkasti segull höfuðborgarsvæðisins, ef marka má fjölda leita á Google. Leitir að meðaltali á mánuði í Bandaríkjunum og Bretlandi eru rúmlega 59 þúsund og 33 þúsund á Íslandi. Alls var 24.391 myllumerki tengt þessum vinsæla baðstað.
  2. Harpa í Reykjavík er í öðru sæti og beinist áhuginn ekki síst að artkitektúr og hönnun tónlistar- og ráðstefnuhússins. Leitir í könnunarlöndunum voru tæplega 24 þúsund að meðaltali á mánuði og tæplega 18 þúsund á Íslandi. Það er vinsælt að láta mynda sig við Hörpu og myllumerkin henni tengd voru 29.495.
  3. Hallgímskirkja í Reykjavík er meðal vinsælustu ferðamannastaða á Íslandi. Hún er „drottning myllumerkja,“ eins og Hjalti Már sagði, með 163.226 myllumerki #. Það vilja allir eiga mynd af sér með kirkju síra Hallgríms í bakgrunni. Leitir í einum mánuði voru að meðaltali 20.100 í könnunarlöndunum en miklu fleiri hér á Íslandi, eða rúmlega 35.000.
  4. Hið íslenska reðasafn (The Icelandic Phallological Museum) kom könnuðum Datera á óvart. Það er í fjórða sæti yfir þá staði sem oftast eru slegnir inn í leitarstreng.
  5. Perlan í Öskuhlíð vekur forvitni bæði Bandaríkjamanna og Breta. Þá er Perlan meðal þeirra 10 staða á höfuðborgarsvæðinu sem oftast er leitað að héðan frá Íslandi.
  6. Sólfarið er listaverk sem margir ferðamenn virðast frétta fyrst af þegar hingað er komið. Leitaráhugi er meiri á Íslandi en í Bandaríkjunum og Bretlandi.
  7. Víkingaþorpið er eini staðurinn í Hafnarfirði sem kemst á þennan lista.
  8. Flyover Iceland.
  9. Þríhnúkagígur.
  10. Lava Show.

Hjalti Már kynnir segla höfuðborgarsvæðisins í Salnum í Kópavogi – MYND: ÓJ

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …