Samfélagsmiðlar

Svíar og sænsk fyrirtæki á varðbergi í útlöndum

Ulf Kristersson, forsætisráðherra Svía, boðaði til blaðamannafundar í morgun í kjölfar árásarinnar í Brussel.

Árásarmaður skaut þrjá sænska karlmenn á sextugs og sjötugs aldri í Brussel í gær. Tveir þeirra létu lífið en sá þriðji liggur særður á sjúkrahúsi. Árasin var gerð stuttu áður en leikur Svía og Belga í knattspyrnu karla hófst. Mennirnir þrír klæddust sænskum landsliðstreyjum þegar þeir voru skotnir og á blaðamannafundi í morgun sagði Ulf Kristersson, forsætisráðherra Svíþjóðar, að skotárásin hafi verið hryðjuverk sem beinst hafi að Svíum og Svíþjóð.

Viðbúnaðarstig í Brussel var hækkað upp í efsta stig eftir atburðina í gær en þá gekk morðinginn ennþá laus. Sá hafði áður gefið út að hann hefði tengsl við ISIS-hryðjuverkasamtökin en belgíska lögreglan skaut manninn til bana í morgun. Hann var 45 ára gamall og frá Túnis.

Utanríkisráðuneyti Svíþjóðar biður Svía um að vera á varðbergi í útlöndum og fyrirtæki með sterk tengsl við Svíþjóð fylgjast náið með þróun mála. Þannig voru starfsmenn á skrifstofu Volvo í Brussel beðnir um að vinna heima í dag samkvæmt frétt Dagens Industri og talsmenn Hennes&Mauritz, Ikea og SAS segja að þar á bæ sé fylgst með tilmælum yfirvalda í hverju landi fyrir sig.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …