Samfélagsmiðlar

Þórshöfn í Færeyjum notar sama bókunarhugbúnað og íslenskar skemmtiskipahafnir

Stjórnendur hafnarinnar í Þórshöfn í Færeyjum vonast eftir meiri umferð skemmtiferðaskipa og hafa samið um að nota bókunarhúgbúnaðinn DOKK sem er í eigu Faxaflóahafna.

Gengið frá samningum: Sigurður Jökull Ólafsson markaðsstjóri Faxaflóahafna, Annfinn Hjelm umboðsmaður hafnarinnar í Þórshöfn og Gísli Jóhann Hallsson yfirhafnsögumaður .

Flestar íslenskar hafnir sem taka á móti skemmtiferðaskipum nota hugbúnaðinn DOKK. Hann á að auðvelda upplýsingaflæði milli hafna, skipafélaga og umboðsmanna með því að sameina í rauntíma og á einum stað allar bókanir skemmtiferðaskipa. Með búnaðinum er tryggt gagnsæi upplýsinga um komur skipanna og segja má að hann geti stuðlað að því að álaginu sem fylgir kommum þeirra verði dreift.

Faxaflóahafnir segja í fréttatilkynningu að bókunarhugbúnaðurinn DOKK hafi sannað gildi sitt og er því fagnað að höfnin í Þórshöfn í Færeyjum sé sú fyrsta utan Íslands að innleiða hugbúnaðinn. Það sé mikilvægt skref í samvinnu hafna í Norður-Atlantshafi.

DOKK hugbúnaðurinn er notaður í 13 þeirra hafna á Íslandi sem taka á móti skemmtiferðaskipum á þessu ári. Faxaflóahafnir eiga hugbúnaðinn og annast daglegan rekstur og þróun hans.

„DOKK hugbúnaðurinn hefur verið mikilvægur þáttur í að gera höfnum kleift að takast á við fjölgun skemmtiferðaskipa, til hagsbóta fyrir hafnirnar sjálfar, útgerðir og farþegana. Jafnframt býður hugbúnaðurinn upp á mikla framtíðarmöguleika í álagsstýringu í tengslum við komur skemmtiferðaskipa í hafnir hringinn í kringum Ísland“, segir Sigurður Jökull Ólafsson markaðsstjóri Faxaflóahafna, í fréttatilkynningu.

„Við lítum á þetta skref sem leið til að auka og stjórna betur vexti í komum skemmtiferðaskipa til Færeyja“, er haft eftir nýjum hafnarstjóra í Þórshöfn, Hanus Mikkelsen, sem bætir við: „Að sjálfsögðu viljum sjá vöxt í komum skemmtiferðaskipa til Þórshafnar, en við verðum að hafa stjórn á vextinum, þar sem við leitumst við að koma í veg fyrir álagstoppa vegna of margra ferðamanna. Við teljum að nýi bókunarhugbúnaðurinn verð mikilvægur liður í því.“

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …