Samfélagsmiðlar

Tímasetning banns við sölu á nýjum mengandi bílum orðið að kosningamáli

Ákvörðun Rishi Sunak, forsætisráðherra, um að fresta banni við sölu á nýjum bílum sem ganga fyrir bensíni eða dísil um fimm ár, til 2035, er þegar orðið að kosningamáli í Bretlandi þó væntanlega sé meira en ár fram að kosningum. Verkamannaflokkurinn ætlar að láta sölubann gilda frá 2030.

Keir Starmer, leiðtogi brska Verkamannaflokksins, meðal stuðningsmanna

Bretar höfðu sett sér metnaðarfull markmið í loftslagsmálum í valdatíð Boris Johnson, sem hafði uppi stór orð um að verða á undan Evrópusambandinu á grænni vegferð – í átt að kolefnishlutleysi. Innistæðan var aldrei mikil og nú þegar hafa Bretar dregist aftur úr í orkuskiptum og núverandi forsætisráðherra og leiðtogi íhaldsmanna hefur sætt harðri gagnrýni fyrir undanslátt – nú síðast þegar hann tilkynnti að selja mætti nýja bensín- og dísilbíla til 2035. Hann sagði að 2030 væri óraunhæft.

Forystumenn Verkamannaflokksins, sem nýtur nú góðs fylgis í skoðanakönnunum, eru hinsvegar brattir og segja að flokkurinn myndi fljótt miða bannið aftur við 2030 – komist hann til valda í þingkosningum sem halda á í síðasta lagi í janúar 2025 en margir spá að verði boðaðar fyrr – á haustdögum 2024.

Jonathan Reynolds, sem fer með viðskiptamál í skuggaráðuneyti Verkmannaflokksins – MYND: Labour

Verkamannaflokknum þykir mikilvægt að bílaiðnaðurinn í landinu endurheimti rekstraröryggi og festu, segir Jonathan Reynolds, sem hefur viðskiptamál á sinni könnu í skuggaráðuneyti Keir Starmer. Margir helstu bílaframleiðendurnir höfðu einmitt gagnrýnt ákvörðun íhaldsstjórnarinnar um að hvika frá fyrri stefnu í loftslagsmálum og skapa þannig óvissu fyrir iðnaðinn, sem væri á fullu að laga sig að sölubanninu 2030.

Jonathan Reynolds segir að væntanleg ríkisstjórn Verkamannaflokksins myndi einnig krefjast þess af sveitar- og héraðsstjórnum að fjölgað yrði rafhleðslustöðvum vítt og breitt um landið. Financial Times hefur eftir þingmanninum, sem fór með samgöngumál í skuggaráðuneyti Jeremy Corbyn á sínum tíma, að íhaldsstjórnin hefði með frestun á sölubanninu skilið bílaframleiðendur eftir í limbói – eftir að hafa áður lagt ríka áherslu á að örva sölu á rafbílum í landinu. Með undanlátssemi sinni og skorti á staðfestu hefði ríkisstjórnin hægt á bílaiðnaðinum.

Verkamannaflokkurinn heldur ársfund sinn í Liverpool í dag og þar ætlar Jonathan Reynolds að skýra hvaða hugmyndir flokksforystan hefur um framtíð bresks bílaiðnaðar, sem átt hefur mjög undir högg að sækja frá því Bretar yfirgáfu Evrópusambandið.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …