Samfélagsmiðlar

Umsvifamesta flugfélagið á umdeildum flugvelli stendur tæpt

Per G. Braathen er helsti eigandi BRA en hann átti einnig stóran hlut í norska flugfélaginu Flyr sem varð gjaldþrota í ársbyrjun.

Stjórnmálamenn í Svíþjóð hafa lengi deilt um framtíð Bromma flugvallar í vesturhluta Stokkhólms. Flokkar á vinstri vængnum og stjórnendur SAS hafa lagt til að flugvellinum verði lokað en hægri flokkarnir hafa staðið vörð um starfsemina sem takmarkast að mestu við innanlandsflug.

SAS flutti alla starfsemi frá Bromma á sjöunda áratug síðustu aldar og hefur síðan þá nýtt Arlanda flugvöll fyrir bæði innanlands- og millilandaflug. Það gerir Norwegian líka og frá Arlanda býður Ryanair einnig upp á flug milli sænska borga.

Á Bromma flugvelli er flugfélagið BRA það langstærsta en fyrir helgi tilkynntu stjórnendur þess að þeir ætlaðu að óska eftir greiðsluskjóli til að geta ráðist í fjárhagslega endurskipulagningu á rekstrinum. Félagið tapaði 263 milljónum sænskra króna fyrstu 9 mánuði ársins eða um 3,3 milljörðum íslenskra króna.

Stjórnendur BRA segja að veiking sænsku krónunnar hafi haft neikvæð áhrif á stöðu fyrirtækisins. Einnig hefur félagsins þurft að taka á sig aukinn kostnað vegna seinkunar á afhendingu flugvéla og varahluta. Samningar um leiguflug fyrir ferðaskrifstofur reynst BRA dýrir og á sama tíma hefur eftirspurn eftir innanlandsflugi í Svíþjóð dalað.

Fram kemur í frétt Dagens Industri að stærsti eigandi BRA, Per G. Braathen, sé reiðubúinn til að leggja félaginu til nýtt hlutafé og það sama á við um lífeyrissjóðinn AMF. Forsendan er þó sú að fjárhagslega endurskipulagning félagsins gangi upp. Árið hefur verið þungt fyrir Per G. Braathen því hann var einn af stofnendum norska flugfélagsins Flyr sem varð gjaldþrota í janúar sl.

Nýtt efni

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …