Samfélagsmiðlar

Endurkoma serkjahveitis

Bókhveiti er meðal þeirra matvæla sem munu eiga sterka endurkomu og verða áberandi árið 2024. En hvers vegna ættum við að borða það í ríkari mæli?

Grænmetisréttur með góðum skammti af bókhveitikorni

Talið er að bókhveiti hafi borist til Evrópu með arabískum kaupmönnum á 15. öld og enn í dag gengur það undir heitinu „serkjahveiti“ í Frakklandi, á Ítalíu og Spáni en Serkir eru fornt heiti yfir múslíma. Þrátt fyrir heitið er bókhveiti allskostar óskylt hveiti, enda er það glútenlaust, en það tilheyrir svokallaðri súruætt eins og rabarbari og njóli og er strangt til tekið fræ en ekki korn. Þannig hefur það ríkt næringargildi fræja en býr yfir sömu fjölbreytni í matargerð og korn.

Bókhveiti í blóma (fagopyrum esculentum) með eftirsótt fræin – MYND: Unsplash/Viktor Smoliak

Bókhveiti er einna helst ræktað á norðlægum slóðum en það er harðgerð jurt sem auðveldara hefur reynst að rækta heldur en aðrar korntegundir á borð við bygg og hveiti. Það er einnig algengt í austur-evrópskri og asískri matargerð og hefur á seinni árum notið aukinna vinsælda hjá þeim sem vilja glútenlaust fæði og næringarríkari vöru en hefðbundið korn. Það hefur því einnig átt upp á pallborðið hjá grænmetisætum, grænkerum og þeim sem vilja minnka neyslu dýraafurða, sem kann að skýra aukna eftirspurn eftir því undanfarin ár. Auk þess að vera ríkur trefja- og prótíngjafi er bókhveiti steinefnaríkt ásamt því að innihalda mikið af B-vítamíni og járni.

Bráðhollar bókhveitis-pönnukökur – MYND: Unsplash/Sophia Valkova

Af þessum ástæðum hafði bókhveiti áður skipað sér sess sem heilsuvara en á undanförnum árum hefur heilsufarslegur ávinningur af neyslu þess orðið til þess að æ fleiri kjósa að taka það inn í reglubundnar neysluvenjur sínar.

Bókhveiti má matreiða á ýmsa vegu en það hentar bæði til baksturs og matargerðar. Bókhveitigrautur er síst síðri en hinn klassíski hafragrautur en bókhveiti þarf að leggja í bleyti yfir nótt og elda á háum hita. Að sama skapi er það kjörið meðlæti með hvers konar mat, út í súpur eða salöt og í austur Evrópu má oft rekast á ristað bókhveiti, Kasha, í ýmsum útfærslum.  Soba-núðlur eru gerðar úr bókhveiti sem gerir þær mun næringarríkari en hefðbundið pasta eða núðlur úr algengari korntegundum. Það er því full ástæða til að gefa þessu undrafræi gaum á nýju ári. 

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …