Samfélagsmiðlar

Flugumferðin hér á landi sjaldnar á áætlun

Farþegar á Keflavíkurflugvelli þurfa oftar að sætta sig við lengri bið en þeir sem fara um flugvelli hinna Norðurlandanna.

Það er yfirlýst markmið Isavia að áætlun Keflavíkurflugvallar standist í 85 prósent tilvika. Svo hátt hefur hlutfallið ekki verið það sem af er ári og október var þar engin undantekning. Aðeins 7 af hverjum 10 flugvélum fóru í loftið á réttum tíma.

Á flugvöllum frændþjóðanna geta farþegar treyst betur á áætlunina samkvæmt greiningafyrirtækinu OAG. Í Ósló stóðst hún í 84 af hverjum 100 tilvikum í október og á hinum flugvöllunum var hlutfallið litlu lægra eins og sjá má hér fyrir neðan.

Spurður út í þennan mun þá segir Guðjón Helgason, talsmaður Isavia, að mikil áhersla sé lögð á stundvísi þegar kemur að umferð um Keflavíkurflugvöll.

„Ýmis atriði geta haft áhrif á stundvísi á flugvöllum hvort sem það eru innri eða ytri þættir. Við höldum reglulega fundi með okkar flugfélögum um ýmis mál og möguleika til að bæta þjónustu eða halda því áfram sem þegar er vel gert. Þar á meðal er rætt um stundvísi. Það samtal mun halda áfram,“ bætir Guðjón við.

Það eru íslensku flugfélögin tvö sem standa undir stærstum hluta umferðarinnar um Keflavíkurflugvöll og þotur Play koma og fara oftar á réttum tíma en raunin er hjá Icelandair samkvæmt upplýsingum frá flugfélögunum sjálfum. Í október stóðst áætlunin hjá Play í 86 prósent tilvika en 80 af hverjum 100 ferðum Icelandair voru á tíma.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …