Samfélagsmiðlar

Hætta við niðurskurð og íslensku flugfélögin geta haldið uppteknum hætti

Flugsamgöngur milli Íslands og Amsterdam verða áfram miklar en útlit var fyrir töluverðan samdrátt næsta vor.

Frá Schiphol flugvelli.

Það hefur verið yfirlýst markmið hollensku ríkisstjórnarinnar að draga úr flugi til og frá Schiphol flugvelli við Amsterdam í þeim tilgangi að minnka loft- og hljóðmengun. Þessum áformum hefur verið mótmælt harðlega af forsvarsfólki fluggeirans en engu að síður var nú í byrjun nóvember kynntur umtalsverður niðurskurður á lendingarleyfum á Schiphol sem taka átti gildi í lok mars á næsta ári.

Þessi breyting hefði haft það í för með sér að nýliðar eins og Play hefðu þurft að leggja niður útgerð sína í Amsterdam og Icelandair að fækka ferðunum þangað.

Umhverfisverndarsamtök og íbúar í nágrenni við Schiphol fögnuðu þessari djörfu ákvörðun hollenskra ráðamanna en þeir fengu aftur á móti að heyra það frá forstjórum flugfélaga. Undir þá gagnrýni tóku bandarísk yfirvöld sem létu í veðri vaka að leyfi hollenska flugfélagsins KLM til að lenda á flugvöllum vestanhafs yrðu takmörkuð.

Nú í kvöld bakkaði hollenska stjórnin og verður umferðin um Schiphol því með óbreyttum hætti næsta sumar. Það er þó ekki víst að svo verði um ókomna framtíð því í yfirlýsingu hollensku stjórnarinnar segir að áfram sé það vilji hennar að vinna að betra jafnvægi milli Schiphol og umhverfisins.

Hvort það verði áfram á stefnuskrá hollensku ríkisstjórnarinnar eftir kosningarnar í landinu í næstu viku á svo eftir að koma í ljós eins og bent er á í frétt Reuters.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …