Samfélagsmiðlar

Hvað verður í matinn árið 2024?

Brauð úr bókhveiti, fágaðar skyndinúðlur, fiskur úr dós og kaldbruggað kaffi er meðal þess sem fólk verður sólgið í 2024.

Gæðaafurðir úr plönturíkinu bjóða upp á marga möguleika

Í árlegri samantekt Whole Foods Trends Council sem kom út nýlega er þess freistað að skyggnast inn í komandi tíma og sjá fyrir helstu matartískufyrirbrigði ársins 2024. Teymi álitsgjafa samanstendur af neytendum, framleiðendum og matargagnrýnendum auk þess sem tillit er tekið til kauphegðunar og strauma og stefna frá árinu áður.

Efst á lista eru matvæli úr plönturíkinu þar sem um nokkurs konar afturhvarf til raunverulegra plöntuafurða er að ræða. Því er spáð að kjötlíki muni brátt hverfa af sjónarsviðinu og heiðarlegir grænmetisborgarar og réttir úr einföldum gæðaafurðum úr plönturíkinu verði aftur á boðstólum í auknum mæli, bæði á veitingastöðum og stórmörkuðum.

Bókhveitinúðlur, gulrætur, laukur, blaðlaukur, súkkíni, tófú og fleira gott – MYND: Unsplash/Vita Marija Murenai

Verandi glútenlaust og próteinríkt mun bókhveiti eiga eftirtektarverða endurkomu á komandi ári ef marka má niðurstöður teymis Whole Foods. Auk þess munu fleiri grænmetisréttir þar sem fiskur hefur áður verið í aðalhlutverki, svokölluð „faux fish“ matargerð, sækja í sig veðrið. Þessi nálgun er ekki glæný þar sem eitt af „trendum“ síðasta árs voru réttir þar sem gulrætur höfðu gengið í hlutverk lax og sveppir komið í stað hörpudisks svo eitthvað sé nefnt.

Sú þróun að bjóða upp á skyndirétti úr góðum hráefnum mun einnig færast í aukana. Mun meira framboð verður því til að mynda af skyndinúðlum í fágaðari kantinum, fiskmeti úr dós og fljótlegum, tilbúnum réttum úr gæða hráefni. Þá munu einfaldari koffíngjafar ryðja sér aftur til rúms á kostnað orkudrykkja og flóknari vara. Sérstaklega er vert að fylgjast með vinsældum kaldbruggaðs kaffis sem eiga eftir að aukast verulega á komandi ári. 

Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …