Samfélagsmiðlar

Ítalir vilja 117 milljarða króna frá Airbnb

Skattaskuld Airbnb á Ítalíu er orðin há.

Ferðamenn með töskur í Róm

Ferðalangar í Róm.

Allt frá árinu 2017 hafa ítölsk stjórnvöld gert þá kröfu að Airbnb innheimti 21 prósent skatt af þeirri þóknun sem fyrirtækið greiðir til leigusala. Bandaríska gistimiðlunin mótmælti þessari ákvörðun á sínum tíma og endaði málið hjá Evrópudómstólnum. Þar var deilan tekin upp í fyrra og niðurstaðan var sú að stjórnendur Airbnb ættu einfaldlega að gera eins og þeim væri sagt.

Ennþá hefur Airbnb ekki gert upp við ítalska ríkið og í gær gaf dómari í Mílanó út þann úrskurð að ganga mætti að eignum bandarísku gistimiðlunarinnar vegna skuldar upp 780 milljónir evra. Upphæðin jafngildir um 117 milljörðum króna. Þrír stjórnendur Airbnb eru einnig til rannsóknar hjá ítölskum skattayfirvöldum vegna málsins.

Reuters hefur það eftir talsmanni Airbnb að starfsfólk fyrirtækisins hafi frá því júní sl. reynt að finna lausn á deilunni í samtarfi við ítölsk yfirvöld. Úrskurður gærdagsins hafi því verið óvæntur og ollið vonbrigðum.

Eins og Túristi fjallaði um nýverið þá hyggst ríkisstjórn Ítalíu hækka skatt af leigutekjum upp í 26 prósent en eingöngu af þeim sem leigja út fleiri en eina íbúð.

Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …