Samfélagsmiðlar

Sala á flugmiðum hefur dregist saman á heimsvísu eftir að stríðsátökin hófust

Síðustu vikur hefur bókunum á flugi fækkað í samanburði við vikurnar áður en Hamas gerði áras á Ísrael þann 7. október.

Fjöldi flugfélaga lagði niður allt áætlunarflug til Tel Aviv í Ísrael þegar átökin brutust þar út fyrir mánuði síðan. Þar á meðal Icelandair.

Átökin fyrir botni Miðjarðarhafs hafa áhrif á eftirspurn eftir ferðalögum, ekki bara til nágrannalanda Ísrael og Palestínu heldur mun víðar. Á heimsvísu nemur munurinn fimm prósentum en samdráttur í bókunum á flugi til Miðausturlanda hefur dregist mest saman eða um 26 prósent.

Þetta sýnir samanburður greiningafyrirtækisins ForwardKeys á farmiðasölu vikurnar þrjár fyrir áras Hamas á Ísrael þann 7. október og vikurnar þrjár eftir að átök brutust út. Í greiningunni er farmiðasala á sama tímabili árið 2019 notuð til samanburðar eins og sjá má hér fyrir neðan.

Í þessu samhengi má rifja upp tilkynningu frá Play í byrjun vikunnar en þar var haft eftir forstjóra flugfélagsins að eftirspurnin væri nokkuð minni en búast hefði mátt við.

Icelandair hélt út áætlunarflugi til Tel Aviv í sumar og hafði ráðgert að gera hlé á ferðunum í vetur frá og með miðjum október. Félagið aflýsti hins vegar öllum brottförum til Ísrael daginn sem átökin brutust út en flaug þó daginn eftir á kostnað utanríkisráðuneytisins til Jórdaníu og sótti þar íslenska strandaglópa. Flugfélagið hefur ekki sett í sölu flug til Tel Aviv næsta sumar.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …