Samfélagsmiðlar

Taka upp þráðinn í Kanada og feta í fótspor Wow Air í Bandaríkjunum

Icelandair býr sig undir aukin umsvifin með nýjum þotum og áfangastöðum. Segja má að forstjóri félagsins skjóti á nýju flugfélögin sem reynt hafa að koma sér fyrir á markaðnum en eru rekin með miklu tapi.

pittsburgh a

Pittsburgh verður tólfti áfangastaður Icelandair í Bandaríkjunum.

Halifax í Kanada var lengi fastur liður í sumaráætlun Icelandair en fyrir sumarvertíðina 2019 varð félagið að hætta flugi þangað vegna skorts á þotum sem rekja mátt til kyrrsetningar Boeing Max flugvélanna. Næsta sumar ætlar Icelandair hins vegar að snúa aftur til Halifax og er fyrsta ferð á dagskrá þann 31. maí. Flogið verður þrisvar í viku fram í miðjan október.

Icelandair mun hins vegar stíga sín fyrstu skref í Pittsburgh í Pennsylvaníu næsta sumar. Jómfrúarferðin þangað verður farin um miðjan maí og verða ferðirnar fjórar í viku fram á haustið. Pittsburgh var hluti af leiðakerfi Wow Air árin 2017 og 2018 og flugu þotur félagsins þangað allt árið um kring. Wow Air var fyrst um sinn eina flugfélagið sem bauð upp á Evrópuflug frá Pittsburgh en síðan bætust við Condor og British Airways. Í dag bíður það síðarnefnda upp á allt að sex ferðir í viku frá London til Pittsburgh.

Flugáætlun Icelandair á næsta ári er sú umfangsmesta í sögu félagsins og mun framboðið aukast um 10 prósent frá því í ár. Í boði verða ferðir til meira en 50 áfangastaða og til að anna þessu ætlar félagið að leigja þrjár Boeing Max vélar.

Farþegaþotur félagsins verða þar með 42 og helmingurinn af gerðinni Boeing Max.

„Það er frábært að bæta við tveimur nýjum áfangastöðum í N-Ameríku og auka tíðni flugs verulega til annarra áfangastaða. Norður-Ameríku markaður hefur verið mjög sterkur og til marks um það eru Bandaríkjamenn nú í efsta sæti yfir fjölda ferðamanna sem sækja okkur heim. Reynslumikið starfsfólk, yfirgripsmiklir söluinnviðir, sterkt alþjóðlegt vörumerki ásamt verðmætum samstarfssamningum við önnur flugfélög gera félaginu mögulegt að halda sókn sinni áfram og grípa þau tækifæri sem til staðar eru,“ segir Bogi Nils Bogason, forstjóri Icelandair í tilkynningu.

Segja má að forstjórinn skjóti þarna föstum skotum að nýjum flugfélögum með því að vísa í styrkleika vörumerkis Icelandair, reynslu og samstarfssamninga. Því eins og Túristi fór yfir í gær þá hafa síðustu ár reynst þeim flugfélögum erfið sem stofnuð voru í heimsfaraldrinum. Þar með talin Play og Norse Atlantic sem gera út á flug yfir Atlantshafið líkt og Icelandair. Nýliðarnir hafa verið reknir með miklu tapi á sama tíma og gamalgrónir keppinautar þeirra skila hagnaði.

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru mikilvæg tekjulind fjölmiðla allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 starfar samkvæmt íslenskum …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …