Samfélagsmiðlar

Verslun dregst saman í Bretlandi

Smásöluverslun í Bretlandi hefur ekki verið minni í tvö ár. Búist hafði verið uppsveiflu en breskir neytendur neyðast til að draga úr innkaupum vegna verðhækkana.

Jólaverslun í Oxford Street

Tölur frá bresku hagstofunni sýna að smásöluverslunin hefur ekki verið minni frá því í febrúar 2021. Í október dróst verslunin saman um 0,3 prósent frá mánuðinum á undan. Búist hafði verið hlutfallslega jafn mikilli aukningu. Financial Times segir þetta lýsa þeim þrengingum sem bresk heimili standa frammi fyrir í aðdraganda þess að fjármálaráðherrann Jeremy Hunt flytur skýrslu sína um stöðu breskra fjármála á þinginu í næstu viku.

Lægri sölutölur verslunarinnar í Bretlandi í október eru vísbending um að jólaverslun verði dauflegri en kaupmenn höfðu vonast eftir. Verslun í október síðastliðinn var 2,7 prósentum minni en í sama mánuði í fyrra, sem er hlutfallslega miklu meiri samdráttur en búist hafði verið við á árinu í heild. Því hafði verið spáð að fólk myndi kaupa færri hluti en dýrari og að það myndi leiða til 1,5 prósenta samdráttar. Síðustu vísbendingar um þróun verslunar gefa til kynna að hætta sé á nýrri efnahagslægð í Bretlandi.

Verðbólga í Bretlandi lækkaði umtalsvert í október, eða niður í 4,6 prósent, sem er sú lægsta í tvö ár. Ástæðan var lækkun á orkukostnaði. Hinsvegar er verð á almennum neysluvörum fimmtungi hærra en það var snemma árs 2021.

Verslanir sem selja föt og hluti til heimilishalds fengu færri viðskiptavini en vonast var eftir í október og er bent á fjárhagsþrengingar fólks og færri verslunarferðir vegna leiðinlegs veðurs sem helstu skýringar. Fataverslun minnkaði um nærri eitt prósent í þeim hlýindum og vætutíð sem einkennt hefur haustið. Færri en venjulega huga að kaupum á vetrarflíkum. Þá hafa húsgagnakaup minnkað snarlega. Kaupmenn í Bretlandi verða því að finna ný ráð til að lokka til sín viðskiptavini fyrir jólin.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …