Samfélagsmiðlar

Bíldudalsvegur látinn bíða

Bíldudalsvegur styttir leiðina af Dynjandisheiði á Bíldudal og gerir fólki kleift að aka hring um sunnanverða Vestfirði, sem er hluti af Vestfjarðaleiðinni. Enn verður beðið með úrbætur á veginum og færðin ræðst af aðstæðum því engin vetrarþjónusta er í boði.

Bíldudalsvegur - MYND: Wikipedia/Pietro

Ekki á að ráðast í endurbætur á Bíldudalsvegi 63, á milli Bíldudalsflugvallar og Dynjandisheiðar, fyrr en eftir að framkvæmdum á nýjum vegi yfir Dynjandisheiði lýkur. Vegurinn er ekki ruddur á veturna þrátt fyrir að hann gegni mikilvægu hlutverki fyrir atvinnulífið. 

Gamall malarvegur

Við Helluskarð á Dynjandisheiði eru vegamót Vestfjarðavegar 60 og Bíldudalsvegar 63. Bíldudalsvegur liggur niður í Trostansfjörð í Arnarfirði og að Bíldudal. Vegurinn á milli Bíldudalsflugvallar og Dynjandisheiðar er gamall og mjór malarvegur en samkvæmt samgönguáætlun fyrir árin 2024-2038 á ekki ráðast í endurbætur á veginum fyrr en á árunum 2029-2033. Yfirstandandi framkvæmdum á Dynjandisheiði á þó að ljúka 2027.

Vegagerð á Dynjandisheiði – MYND: HÓ

Mikilvægur vegur fyrir atvinnlífið

Það er talsverður þrýstingur á að farið verði í framkvæmdir á Bíldudalsvegi í beinu framhaldi af endurbótum á Vestfjarðavegi 60 um Dynjandisheiði, segir Guðmundur Björgvinsson, verkefnisstjóri hjá Vegagerðinni á Ísafirði, – þar sem hann skipti miklu máli fyrir atvinnulífið – og ekki síst laxeldið. Arnarlax er með laxasláturhús á Bíldudal og því tíðir flutningar á laxi frá Bíldudal suður í útflutning. Guðmundur segir að hönnun á veginum sé langt komin og veglína vel ljós en að tímasetning framkvæmda ráðist af fjármögnun. 

MYND: Vegagerðin

Styttri leið og um færri fjallvegi að fara

Leiðin frá Bíldudal eftir Bíldudalsvegi 63 og um Helluskarð á Dynjandisheiði er um 44 kílómetrum styttri en þegar ekið er suður um Tálknafjörð, Patreksfjörð og Barðaströnd. Þá þarf aðeins að fara um einn fjallveg, hluta Dynjandisheiðar, en ekki þrjá eins og á hinni leiðinni. Á þeirri leið þarf að fara um Hálfdán, Mikladal og Kleifaheiði.  

Engin vetrarþjónusta á veginum

Auk þess að stytta leiðina af Dynjandisheiði á Bíldudal gerir Bíldudalsvegur 63 fólki kleift að aka hring um sunnanverða Vestfirði, – sem er til að mynda hluti af Vestfjarðaleiðinni. Á veturna er þó ekki hægt að reiða sig á að leiðin sé fær þar sem engin vetrarþjónusta er á veginum og aðgengi því háð aðstæðum hverju sinni. 

Vetrarþjónusta til skoðunar

Guðmundur Björgvinsson hjá Vegagerðinni segir að Vegagerðin á Norðvestursvæði hafi óskað eftir að Bíldudalsvegurinn verði settur undir reglur um snjómokstur og þá hafi jafnframt verið kallað eftir aukinni vetrarþjónustu á Dynjandisheiði, þar sem nú er aðeins rutt virka daga. Guðmundur segir þetta vera til skoðunar hjá Vegagerðinni og Innviðaráðuneytinu. 

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …