Samfélagsmiðlar

Bragðið af komandi ári

Eftir margra mánaða rannsóknarvinnu sérfræðingateymis á vegum kryddrisans McCormick var tilkynnt að tamarind hlyti útnefninguna „Bragð ársins 2024“. Tamarind hefur mjög ákveðið bragð með sætum keim sem fellur vel að tískustraumum í matargerð á komandi ári.

Blómstrandi Tamarind - MYND: Bankim Desai/Unsplash

Tamarind er tré af ertublómaætt sem er upprunnið í Afríku. Á trénu vaxa belgir með ætum fræjum og trefjakenndu innvolsi. Það er mikið notað í matargerð í afrískri, karabískri, mexíkanskri og asískri menningu en er einnig að sækja í sig veðrið á Vesturlöndum og í matargerð þar sem sæt-súr keimur er vinsæll. Bókstafleg þýðing orðins tamarind er „daðla Indlands“ enda tamarind afar algengt bæði í indverskri og pakistanskri matargerð.

Sérfræðiteymi McCormick var sett saman úr hópi matreiðslufólks, næringarfræðinga og annarra sem hafa góða yfirsýn yfir þegar kemur að matargerð og tískustraumum veitingastaða um allan heim. Með þessu stígur McCormick ákveðið skref í þá átt að sýna hvernig fyrirtækið hefur skilning á eftirspurn neytenda og að það fylgi nýjustu straumum og stefnum í matargerð, þar sem þessi útnefning er ekki einhver geðþóttaákvörðun heldur niðurstaða vinnu og rannsókna yfir lengra tímabil.

Tamarind kemur víða við sögu – MYND: McCormick

Bragðið af tamarind á þannig heima í tískustraumum matargerðar komandi missera sem McCormick hafði áður bent á. Þar verður mest áberandi súrt bragð með sætum keim, enduruppgötvun klassískra rétta frá ákveðnum heimshlutum og síðast en ekki síst bragð sem kallar fram ákveðna nostalgíu. Matur sem skapar nostalgíu hjá einum getur hins vegar verið samtímis eitthvað nýtt og ævintýralegt fyrir annan svo þau sem kunna að meta tamarind geta verið ansi stór og fjölbreyttur hópur fólks.  

McCormick hefur nú þegar hafið samstarf við Black Tap Craft Burgers keðjuna sem einhverjir kannast eflaust við en þar munu tamarind mjólkurhristingar, borgarar og franskar brátt verða á boðstólum. Þar með er tamarind líka komið út fyrir eldhús þeirra sem þekkja það vel sem eykur möguleikann á því að fleiri læri að meta bragðið af því og breiða út boðskapinn.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …