Samfélagsmiðlar

Eldgos á Reykjanesskaga

Eldgosið séð frá Skerjafirði um klukkan hálftólf - MYND: ÓJ

Eldgosið sem hófst við Sundhnúksgíga norðan Grindavíkur kl. 22.17 í gærkvöld eftir skjálftahrinu kom fólki að óvörum þó aðdragandinn hafi verið langur.

Landsmenn bíða þess hver þróun gossins verður og hvaða hætta stafar af því fyrir Grindavík, Svartsengisvirkjun, mannvirkin við Bláa lónið – og íbúabyggðina í Vogum í norðri. Meðal þess sem á eftir að reyna á er hvort leiðigarðar sem gerðir hafa verið á svæðinu haldi aftur af hraunflæðinu.

Gossprungan er þegar um 4 kílómetra löng, gosið er kraftmikið og hraunstraumur er töluverður – að mestu til norðurs.

MYND: Veðurstofa Íslands

Gosið sést víða af höfuðborgarsvæðinu og nágrenni. Mikil umferð hefur verið á stöðum þar sem vel sést til eldstöðvanna og nokkur vandræði hafa skapast á Reykjanesbrautinni þegar fólk hefur stöðvað bíla sína og farið út til að taka myndir. Lögreglan beinir þeim tilmælum til ökumanna að stöðva ekki bíla á Reykjanesbraut.

Ekki hafa orðið truflanir á farþegaflugi þó að tvær vélar hafi þurft að bíða lendingar þar til öskuspá var gefin út. Engar breytingar hafa enn verið gerðar á flugáætlunum.

Farþegar sem komu með flugi í nótt eða þurfa í flug með morgninum ættu að komast leiðar sinnar eins og staðan er núna. Upplýsingar um flugáætlanir er að finna á heimasíðu Isavia.

Flugumferðarstjórar höfðu boðað verkfall á miðvikudag, 20. desember, en ákváðu í gærkvöld að aflýsa því vegna eldgossins.

Vísindamenn segja líklegt að eldgosið verði kraftmikið til að byrja með en fljótlega geti úr afli þess. Ármann Höskuldsson, eldfjallafræðingur, sagði í viðtali við RÚV í gærkvöld að hann teldi ekki ólíklegt að eldgosið héldi áfram í 7-10 daga – myndi ljúka fyrir áramót. Um þetta er þó enn of snemmt að spá – og enn óljósara hvort eða hvaða áhrif eldgosið hefur á byggðir og mannvirki í kring, flugumferð og ferðaþjónustu.

Horft í átt að eldgosinu frá Görðum á Álftanesi – MYND: ÓJ

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …