Samfélagsmiðlar

Ferðapakki eða eSIM í símann?

Það getur kostað sitt að nota farsímann utan Evrópu. Ólafur Hauksson hugsaði málið áður en hann hélt til þriggja landa ferð í Asíu, hlóð stafrænu eSiM-korti í símann í hverju landi og sparaði drjúga fjárhæð við gagnaflutninga. Ferðapakkar símafélaganna kosta sitt en eru þægilegir.

Víetnmömsk simkort

Reiki í löndum utan Evrópu er alla jafna frekar dýrt og eitt MB af gögnum getur kostað á bilinu 99 krónur til yfir tvö þúsund krónur. Íslensku símafélögin bjóða viðskiptavinum ferðapakka til að taka mesta hrollinn og óvissuna úr símanotkun í fjarlægum löndum. Ferðapakkinn með inniföldu 500 MB gagnamagni kostar 1.000 kr. á dag hjá Símanum, 990 kr. hjá Vodafone og 1.090 kr. hjá Nova.

Í nýlegu 20 daga ferðalagi höfundar til þriggja landa í suðaustur Asíu hefði ferðapakkinn kostað 19.800 krónur. Þess í stað var stafrænu simkorti – eSiM – hlaðið inn í símann í hverju landi fyrir sig. Heildarkostnaðurinn var 26 dollarar, 3.640 kr. eða um 180 krónur á dag. Fyrir það fengust 18 GB af gagnamagni, en ekki var hægt að nota eSIM kortið fyrir annað en gagnaflutninga. Með ferðapökkum símafélaganna er jafnt hægt að hringja, svara og vera á netinu.

Kjötsölukaupmaður skoðar snjallsímann sinn – MYND: ÓH

Flestallir farsímar sem framleiddir hafa verið undanfarin þrjú ár bjóða upp á eSIM til viðbótar við simkort símafélagsins. Á þessari slóð má sjá hvaða símar þetta eru. https://esim.holafly.com/how-to/esim-phones/

Auðvelt er að kaupa stafrænt simkort á netinu og úrval af fyrirtækjum sem bjóða það. Höfundur keypti eSIMkortin hjá Airalo og reyndist best að fá eSIM fyrir hvert land fyrir sig. Nokkuð flækjustig var að virkja kortið og þurfti aldrei þessu vant að fylgja leiðbeiningum nákvæmlega. Til dæmis þurfti að handvelja þjónustuaðila (network provider) frekar en láta símann gera það. Í einu tilfellinu virkjaðist kortið ekki fyrr en notandinn mundi eftir að kveikja á data roaming og í öðru þurfti að endurræsa símann til að ná sambandi. Borgað er fyrir gagnamagn og gildistíma og er einfalt að bæta gagnamagni við með viðbótarkaupum. Sem dæmi má nefna að 2 GB gagnamagn með 15 daga gildistíma kostaði 7 dollara fyrir Víetnam.

Ferðapakki símafélaganna er vissulega þægilegasta leiðin til að vera í sambandi. Ef hins vegar er þörf á meiri gagnanotkun en 500 MB á dag er eSIM hagkvæmari lausn. Hægt er að vera með bæði simkortin virk samtímis.

Höfundur: Ólafur Hauksson

Stytta af byltingarforingjanum Ho Chí Minh, forseta Norður-Víetnams og þjóðhetju Víetnama – MYND: ÓH

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …