Samfélagsmiðlar

Gömul skilaboð fara á flug

Skilaboð sem bandarískur háskólanemi skrifaði á kubb í spilinu Jenga á Íslandi fyrir fjórum árum skiluðu sér í færslu á samfélagsmiðlinum X sem rúmar þrjár milljónir manna hafa nú séð.

Færsla á X

Hópurinn sem tók áskorun Paige - MYND: X

Þetta er svipað og að senda út flöskuskeyti sem svo berast einhverjum einhvern tímann seinna. En sagan af skilaboðum stúlkunnar Paige er líka áhugaverð af því að hún sannar áhrifamátt samfélagsmiðla.

Paige kom með bandarískum skólahópi í Midgard Base Camp á Hvolsvelli 2019 í ferð á vegum Green Program. Eitt kvöldið settist hópurinn niður og spilar kubbaspilið Jenga. Starfsfólk Midgard hafði skrifað ýmis verkefni á kubbana: Berðu fram E-Y-J-A-F-J-A-L-L-A-J-Ö-K-U-L-L ! Eða: Faðmaðu kokk! Þarna um kvöldið tók stúlkan Paige upp á því að bæta við skilaboðum á einn kubbinn í spilinu: Taktu hópmynd og sendu í þetta símanúmar… .

Midgard – MYND: ÓJ

Svo líða fjögur ár og ekkert gerist – þangað til núna í desember 2023. Paige fékk senda mynd af hópi sem hún þekkti ekkert til en var að spila Jenga í Midgard Base Camp. Hún sagði frá þessu á X (Twitter) 18. desember og birti myndina, sem fór á mikið flug. Nú 20. desember hafa meira en 3 milljónir manna séð færsluna á X og fleiri eiga vafalaust eftir að bætast í hópinn. 

Færsla um Midgard

FF7 spjallaði við Gyðu Pétursdóttur, markaðsstjóra Midgard, um þessa skemmtilegu og óvæntu kynningu á Midgard Base Camp á Hvolsvelli sem nýtur mikilla vinsælda meðal bandarískra stúdenta, eins og sést á ummælum við færsluna góðu. Rætt var við einn eigenda Midgard, Hildi Guðbjörgu Kristjánsdóttur, snemma á þessu ári um starfsemina og þar á meðal um Green Program.

Bandarískur hópur á vegum Midgard – MYND: Midgard/Kyana Sue

Nýtt efni

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …