Samfélagsmiðlar

Metfjöldi Dana til útlanda um áramót

Danskar ferðaskrifstofur segja að aldrei hafi fleiri keypt áramótaferð til útlanda. Þeim hefur fjölgað ár frá ári sem yfirgefa kuldatíðina í Danmörku og skella sér suður í lönd til að fagna áramótunum.

Margir Danir eru til í að sleppa þessu. Frá Ráðhústorgi um síðustu áramót - MYND: ÓJ

„Það er útlit fyrir að met verði slegið nú um áramótin. Ferðalög á þessum tíma hafa átt vaxandi vinsældum að fagna og útlit er fyrir að sú þróun haldi áfram,“ segir Peder Hornshøj, forstjóri Bravo Tours, við Danska útvarpið. Hann gerir ráð fyrir 20 prósenta fjölgun í áramótaferðum frá því í fyrra.

Miklar annir eru á Kaupmannahafnarflugvelli í dag. Um 72 þúsund farþegar fara um flugvöllinn. Búist er við að um fimmtungi fleiri farþegar fari um Kaupmannahafnarflugvöll um hátíðirnar nú en í fyrra. Það er fjölgun um 130 þúsund manns.

„Í vetrartíðinni hér í Danmörku viljum við gjarnan komast langt í burtu. Kanaríeyjar eru alltaf vinsælar, ekki síst um áramót. Gran Canaria og Tenerife tróna á toppnum,“ segir Sofie Fiolden Lund, samskiptastjóri hjá ferðaskrifstofunni Spies. Hún býst við 10 prósenta fjölgun í nýársferðum.

Peder Hornshøj, forstjóri Bravo Tours, skýrir ferðalöngun Dana um áramót þannig: „Ég held að kampavínið renni ljúflegar niður í 25 gráðu hita.“ Hann nefnir einnig vinsældir Kanaríeyja en að líka hafi fjölgað þeim sem fari til Asíulanda, sérstaklega Tælands.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …