Samfélagsmiðlar

Næstu verkföll hafa áhrif á 99 flugferðir

Flugumferðastjórar leggja niður störf á mánudag ef samningar nást ekki fyrir þann tíma. MYND: ISAVIA ANS

Verkföll flugumferðastjóra á þriðjudag og fimmtudag í þessari viku hófust klukkan fjögur um nótt og þeim lauk sex tímum síðar. Á mánudag og miðvikudag í næstu viku hafa flugumferðarstjórar einnig boðað til vinnustöðvana og þá á sama tíma dags. Áfram koma aðgerðirnar nær eingöngu niður á farþegum Icelandair og Play.

Félögin tvö eru með samtals 92 flugferðir á dagskrá á þessu sex klukkustunda tímabili á mánudag og þriðjudag á meðan erlend flugfélög gera ráð fyrir 7 ferðum. Ef verkföllin væru milli klukkan 10 og 16 yrðu áhrifin aðeins meiri á erlendu félögin en þó mest á Icelandair og Play enda standa þau tvö undir þremur af hverjum fjórum flugferðum frá Keflavíkurflugvelli.

Í tilkynningu frá Icelandair segir að komi til verkfalla í næstu viku þá muni þau hafa áhrif á 23 þúsund farþega félagsins en til samanburðar höfðu aðgerðir þessarar viku áhrif á ferðaáætlun 13 þúsund farþega. 

„Þrátt fyrir að Icelandair muni leggja sig fram um að koma öllum farþegum á áfangastað fyrir og um hátíðarnar aukast líkurnar á því að það takist ekki þar sem öll flug eru þéttbókuð á þessum háannatíma rétt fyrir jól,” segir í tilkynningu.

Þar er jafnframt fullyrt að félag flugumferðastjóra hafi valið tímasetningar á aðgerðum sem valdi íslensku flugfélögunum meiri skaða en þeim erlendu en líkt og FF7 fjallaði um í vikunni munu verkföll flugumferðastjóra ekki hafa áhrif á flug yfir Ísland.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …