Samfélagsmiðlar

Skattspor ferðaþjónustu verður yfir 200 milljarðar á þessu ári

Samtök ferðaþjónustunnar og Samtök atvinnulífsins boðuðu til morgunfundar SAF til að vekja athygli á því hversu þungt ferðaþjónustan vegur nú í íslenska hagkerfinu. Skattspor síðasta árs var rúmir 90 milljarðar án virðisaukaskatts og verður umtalsvert stærra á þessu ári.

Magnús Árni Skúlason, hagfræðingur, kynnir niðurstöður skýrslu um skattspor ferðaþjónustunnar

Magnús Árni Skúlason, hagfræðingur, kynnti niðurstöður skýrslu sem Reykjavík Economics vann fyrir SAF um skattspor ferðaþjónustunnar – um það hvert raunverulegt framlag hennar er til samfélagsins.

Magnús Árni Skúlason – MYND: ÓJ

Byggt er á tölum frá 2022 og er meginniðurstaðan sú að skattspor ferðaþjónustunnar hafi verið rúmir 92 milljarðar króna en rúmir 155 milljarðar ef virðisaukaskattur er meðtalinn. Þetta eru þó bráðabirgðatölur og að auki má rökræða hvað telja eigi með í slíkum útreikningi. Eitt virðast þó allir sammála um: Skattspor íslenskrar ferðaþjónustu er stærra 2023 en það var 2022.

Grímur Sæmundsen, forstjóri Bláa lónsins – MYND: ÓJ

Grímur Sæmundsen, forstjóri Bláa lónsins, kom inn á þetta í pallborði:

„Það liggur auðvitað algjörlega fyrir að tölurnar fyrir þetta ár verða að mínu mati a.m.k. 50 prósent hærri. Þá erum við að tala um vel yfir 200 milljarða króna í skattspor ferðaþjónustunnar á þessu ári. Og ég held að við séum að horfa fram á hóflegan vöxt á næsta ári, kannski 3-5 prósent. Þá erum við að tala um 250 milljarða skattspor. Auðvitað finnst manni að þegar horft er á þessar tölur að það sé næstum eins og pissa í skóinn sinn að vera að grípa þrjá milljarða í gistináttaskatt. – Því einfaldara skattkerfi, því betra.“

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …