Samfélagsmiðlar

Sviptingar í heimi bókaútgáfunnar

„Forlagið missir nú tvo af sínum helstu höfundum og hlýtur það að vekja forsvarsmenn fyrirtækisins til umhugsunar um hvers vegna höfundar yfirgefi þessa mikilfenglegu skútu,” skrifar Snæbjörn Arngrímsson.

Kristín Eiríksdóttir og Fríða Ísberg.

Þau miklu tíðindi í bókmenntaheiminum spyrjast nú hratt út að tveir þekktir rithöfundar hafi ákveðið að bætast við fagran flokk höfunda sem koma út undir merkjum bókaforlagsins Benedikts. Fríða Ísberg og Kristín Eiríksdóttir, sem áður gáfu út bækur sínar hjá Forlaginu, hafa ákveðið að næstu skáldsögur þeirra komi út undir merkjum Benedikts. Þessi nýi samningur Kristínar og Fríðu við Benedikt hlýtur að vekja gleðilegar tilfinningar hjá Benedikt og að sama skapi vekja fréttirnar væntanlega sárar tilfinningar hjá Forlaginu og starfsmönnum þess.

Samband höfunda og forlags er flókið fyrirbæri. Samlíkingin við samband elskenda er ekki út í hött og því verður viðskilnaður oft harla sár fyrir þann sem er yfirgefinn.

Margir sem þekkja landslag íslensks bókmenntalífs líta svo á að Benedikt sé það íslenska útgáfufélag þar sem eldurinn brenni heitast. Þar sé ástríðan fyrir skáldskap, bókum og rithöfundum áköfust og fjörið mest. Því stækkar hratt sá hópur áhugaverðra rithöfunda sem leitar til Benedikts. 

Forlagið missir nú tvo af sínum helstu höfundum og hlýtur það að vekja forsvarsmenn fyrirtækisins til umhugsunar um hvers vegna höfundar yfirgefi þessa mikilfenglegu skútu sem Forlagið er og hvað sé til ráða til að halda eftirsóknarverðum og mikilvægum rithöfundum innanborðs. Á síðustu árum hafa til dæmis Guðrún Eva Mínervudóttir, Bragi Ólafsson, Auður Jónsdóttir, Vigdís Grímsdóttir og Kristín Ómarsdóttir flutt sig frá Forlaginu yfir til annarra útgáfufélaga. Þessi þróun virðist því hafa varað lengi og nú brennur sú spurning á vörum bókmenntaáhugamanna hvernig Forlagið hyggist bregðist við þessari óheillaþróun.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …