Samfélagsmiðlar

Þekktu ekki til samkomulags Isavia og flugumferðastjóra

Forstjóri Icelandair segir íslensku flugfélögin verða fyrir stórtjóni vegna verkfalla flugumferðastjóra á meðan erlendir keppinautar finni ekkert fyrir því.

Bogi Nils Bogason, forstjóri Icelandair. MYND: ICELANDAIR

Íslenska flugstjórnarsvæðið er eitt hið víðfeðmasta í heimi og um það streyma þotur á leið yfir Norður-Atlantshafið sem aldrei hafa viðkomu hér á landi. Þessari umferð stjórna íslenskir flugumferðarstjórar og hafa verkföll þeirra engin áhrif þar á. Skýringin á því liggur í samkomulagi flugumferðarstjóra við Isavia um að þessi umferð sé undanþegin verkfallsaðgerðum í 9 mánuði eftir að kjarasamningar renna út. Frá þessu greindi FF7 fyrst frá.

Verkföll flugumferðastjórna geta því aðeins haft áhrif á flug til og frá landinu og aðspurður segist Bogi Nils Bogason, forstjóri Icelandair, ekki hafa áður þekkt til þessa samkomulags enda hafi flugfélagið ekki aðild að því.

„Það er mjög sérstakt að vera í samkeppni við flest af stærstu flugfélögum í Evrópu og N-Ameríku og upplifa það að íslenskir flugumferðarstjórar beini spjótum sínum fyrst og fremst að íslensku flugfélögunum en þjónusti þau erlendu eins og ekkert sé. Bæði hvað varðar yfirflugið og svo er tímasetning verkfalla á Keflavíkurflugvelli skipulögð með þeim hætti að erlendu flugfélögin finna eiginlega ekkert fyrir þessu á meðan þau íslensku hljóta stórtjón af,“ segir Bogi Nils.

Stjórnendur Icelandair íhuga nú skaðabótamál á hendur Isavia á grunni þess að hið opinbera hlutafélag virði ekki þjóðréttarlegar skuldbindingar sínar.

Í fyrra var Icelandair það flugfélag sem oftast fór um íslenska flugstjórnunarkerfið en þar á eftir kom fjöldi flugfélaga sem eru í beinni samkeppni við Icelandair og Play um farþega á leið milli Norður-Ameríku og Evrópu. Ef verkföll íslenskra flugumferðastjóra væru með sama hætti og tíðkast hjá starfsbræðrum þeirra í Frakklandi þá þyrftu þessi erlendu flugfélög hins vegar að sneiða framhjá íslenska flugstjórnarsvæðinu á meðan á verkföllum stæði. Það reynist hins vegar óþarfi vegna þeirrar friðhelgi sem samið hefur verið um.

Þau flugfélög sem oftast flugu á íslenska flugstjórnarsvæðinu 2022:

  1. Icelandair
  2. United Airlines
  3. Emirates
  4. Qatar Airways
  5. Turkish Airlines
  6. Lufthansa
  7. SAS
  8. Air Canada
  9. British Airways
  10. Air Greenland
  11. Air India
  12. Aeroflot
  13. Finnair
  14. KLM
  15. Delta
  16. EasyJet
  17. Bandarískar einkaflugvélar
  18. American Airlines
  19. LOT
  20. Air France
Nýtt efni

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …