Samfélagsmiðlar

Varað við áhrifum af útbreiddu stríði

„Ég held að við munum ekki þurfa að hafa áhyggjur af því að fólk vilji ekki
koma," segir Þórdís Kolbrún Reykfjörð Gylfadóttir, fjármála- og efnahagsráðherra, en varar við að hætta á útbreiddu stríði í Evrópu sé raunveruleg.

Þórdís Kolbrún Reykfjörð Gylfadóttir

Þórdís Kolbrún Reykfjörð Gylfadóttir, fjármála og efnahagsráðherra, á fundi SAF og SA.

Aðlögunarhæfni er meðal helstu styrkleika ferðaþjónustunnar. Það sýndi hún vel í kórónaveirufaraldrinum og það á örugglega eftir að reyna á þennan eiginleika aftur. Þórdís Kolbrún Reykfjörð Gylfadóttir, fjármála- og efnahagsráðherra, kom inn á þetta í ávarpi sínu á morgunfundi SAF og SA um skattspor ferðaþjónustunnar. Ekki er langt síðan Þórdís Kolbrún gegndi starfi utanríkisráðherra og hún minnti forkólfa íslenskrar ferðaþjónustu á að allt er í heiminum hverfult: 

„Aðlögunarhæfni er eitthvað sem ég held að ferðaþjónustan eigi að halda mjög á lofti. Hvenær kemur hún sterk inn, við hvaða aðstæður? Hvernig getur hún brugðist við breyttum aðstæðum? Vegna þess að nú virðumst við vera að lifa tíma þegar er áfall eftir áfall – og ég held því miður ekki að það sé að breytast. Auðvitað geta ytri aðstæður haft stórkostleg áhrif á ferðaþjónustuna. Ef að hér verður raunverulegt útbreitt stríð í Evrópu innan – ég veit ekki – fimm eða sjö ára, þá auðvitað mun það hafa gríðarlega mikil áhrif á ferðaþjónustuna. Vonum að það gerist ekki. En ég hef samt áhyggjur af því.“ 

Ráðherra segir miklu skipta máli að hafa hugrekki til að taka ákvarðanir sem gera það að verkum að við verðum með einstaka ferðaþjónustu á Íslandi. Við eigum að þora að vera með annars konar ferðaþjónustu og vera öðruvísi,“ sagði Þórdís Kolbrún, sem hafði ferðamál á sinni könnu áður en hún varð utanríkisráðherra.

„Ég held að við munum ekki þurfa að hafa áhyggjur af því að fólk vilji ekki koma. Það er ekkert sem bendir til þess að við þurfum að hafa stórkostlegar áhyggjur af því að fólk vilji ekki heimsækja Ísland. Ég held að það muni bara aukast og ef við ætlum raunverulega að meina það sem við segjum: Að þetta snúist ekki um tölurnar heldur hvað greinin skilji eftir sig, þá verðum við að taka ákvarðanir í samræmi við það, sem byggja undir það að hér sé meiri og betri stýring.“

Og meginastriðið er þetta, segir ráðherra:

„Við eigum að þora að segja að hér ætlum við að reka atvinnugrein sem að skilur eftir meira á hvern ferðamann heldur en annars staðar. Af því að ef það tekst ekki þá er ég hrædd um að hún annað hvort vaxi of hratt eða fari að hafa ruðningsáhrif á aðrar greinar. Þá fer samfélagssáttin um greinina og það er efnahagslega ekki skynsamlegt.“

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …