Samfélagsmiðlar

Aflétta kyrrsetningunni en herða eftirlit með framleiðslunni

Gallar í framleiðslu hjá Boeing hafa síðustu ár komið jafnt og þétt upp. MYND: BOEING

Flugfélög vestanhafs geta á ný tekið í notkun Boeing Max 9 þotur sínar en flugvélar af þeirri gerð voru kyrrsettar í ársbyrjun eftir að hleri losnaði af einni slíkri stuttu eftir flugtak. Mikil mildi þykir að ekki urðu slys á fólk en enginn sat í sætunum þar sem stórt gat myndaðist á skrokki flugvélarinnar.

Í kjölfar atviksins voru allar þotur með þennan búnað yfirfarnar og kom þá í ljós að hlerinn var í sumum tilfellum ekki festur nægjanlega vel. Ástæður þess hafa nú verið raktar til verksmiðju Boeing en ekki til undirverktaka flugvélaframleiðandans sem spjótin beindust fyrst að.

Bandaríska flugmálaeftirlitið aflétti í gærkvöld kyrrsetningu Max 9 þotanna en gaf á sama tíma út þá tilskipun að Boeing mætti ekki auka afköstin í verksmiðjum sínum fyrr en sýnt verði fram á að eftirlit með framleiðslunni hafi verið aukið.

Samkvæmt frétt Seattle Times eru engin fordæmi fyrir því að yfirvöld takmarki með þessum hætti umsvifin í verksmiðjum flugvélaframleiðandans sem eru meðal annars í nágrenni Seattle borgar. Þar eru til að mynda allar Boeing Max þoturnar framleiddar en Icelandair á von á þremur þotum þaðan fyrir komandi sumarvertíð. Þar af eru tvær splunkunýjar en sú þriðja er tekin af lager.

Nýtt efni

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …