Samfélagsmiðlar

Bláa lónið fær hvatningarverðlaun ársins

MYND: Bláa lónið

Aðstendur verkefnisins um ábyrga ferðaþjónustu horfðu til þess þegar ákveðið var að veita Bláa lóninu Hvatningarverðlaun ábyrgrar ferðaþjónustu að fyrirtækið hefði um langan tíma lagt áherslu á hringrásarhagkerfið og hefði grunngildi sjálfbærni að leiðarljósi í starfsemi sinni – og hvernig fyrirtækið hefði mótað nærumhverfi sitt, starfsmenn, náttúru og öryggi gesta. Þetta kom fram í rökstuðningi fyrir valinu á Bláa lóninu, sem Eliza Reid, forsetafrú, flutti í upphafi fundar um sjálfbærnimál í Grósku í tengslum við Ferðaþjónustuviku.

„Allur rekstur Bláa lónsins er samofinn fjölnýtingu dýrmætra auðlindastrauma, sem er einstakt á heimsvísu. Í yfir 30 ár hefur félagið rannsakað jarðsjóinn og eiginleika hans – og skapað einstaka upplifun í sátt við umhverfi, samfélag og móður náttúru,“ las Eliza Reid í rökstuðningi vegna verðlaunanna, sem Helga Árnadóttir og félagar hennar í framkvæmdastjórn Bláa lónsins tóku við undir lófaklappi gesta í Grósku.

Fulltrúar í framkvæmdastjórn Bláa lónsins taka á móti Hvatningarverðlaunum – MYND: ÓJ

„Við tökum hér auðmjúk á móti þessum verðlaunum – Hvatningarverðlaunum ábyrgrar ferðaþjónustu – fyriur hönd allra starfsmanna Bláa lónsins, sem nú eru um 800. Við höfum alltaf verið stolt af sjálfbærnivegferð félagsins,“ sagði Helga Árnadóttir og þakkaði fyrir verðlaunin, sem hefðu góð áhrif á hjartað á þessum skrýtnu tímum sem starfsfólkið væri að upplifa og vísaði til eldgossins og jarðhræringanna á Reykjanesskaga.

Helga Árnadóttir, framkvæmdastjóri sölu- og markaðsmála Bláa lónsins, þakkar fyrir Hvatningarverðlaunin fyrir hönd starfsfólks Bláa lónsins – MYND: ÓJ

Nýtt efni
Kauphöllin

Hlutabréfavísatalan Stoxx Europe 600 náði sína hæsta gilda á föstudaginn og hefur þá hækkað um nærri 70 prósent frá því mars 2020 þegar vísitala fór lægst í upphafi heimsfaraldursins. Vísitala Bloomberg sem fylgist með gengi evrópskra flugfélaga hefur á sama tíma hækkað um 23 prósent. Af stóru evrópsku flugfélögunum er Ryanair það eina þar sem …

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …