Samfélagsmiðlar

Bretar á réttri leið í orkuskiptum

Breti setur upp sólarsellu

Breti setur upp sólarsellu - MYND: Pexels/William Mead

Raforkuframleiðsla með jarðefnaeldsneyti dróst saman um 22% á liðnu ári í Bretlandi, miðað við árið þar á undan. Þetta kemur fram í nýrri greiningu Carbon Brief. Þetta þýðir að hlutur hreinorku í Bretlandi hefur aukist til muna og notkun á jarðefnaeldsneyti, eins og kolum, olíu og gasi, til raforkuframleiðslu hefur ekki verið minni síðan 1957. 

Það eru 66 ár. Þá var Harold Macmillan forsætisráðherra Breta og Bítlarnir John Lennon og Paul McCartney voru rétt búnir að nikka höfðinu til hvor annars í fyrsta skipti. Neskirkja var vígð á Íslandi, kvikmyndin Gilitrutt var í bíó og Handknattleikssambandið var stofnað. 

Alls voru 104 terawattstundir framleiddar með jarðefnaeldsneyti árið 2023 í Bretlandi. Þegar notkun jarðefnaeldsneytis til raforkuframleiðslu var mest, árið 2008, voru 303 terawattstundir framleiddar með gasi, kolum og olíu. Framleiðsla raforku með jarðefnaeldsneyti hefur því dregist saman um 66% síðan mest var.  Mest hefur framleiðsla með kolum dregist saman, eða um 97%. Notkun gass hefur dregist saman um 45%. 

Minnkandi hlutur jarðefnaeldsneytis helgast einkum af ört stækkandi hlut hreinnar orku. Notkun hreinorku til raforkuframleiðslu hefur sexfaldast síðan 2008. Alls framleiða Bretar nú 113 terawattstundir með annarri orku en jarðefnaeldsneyti, eins og vindorku, sólarorku og kjarnorku. Hlutur þessara orkugjafa er nú kominn upp í 56%, en þar af er hlutur sólar, vinds, vatnsafls og lífeldsneytis um 42%, sem er met.  

Hlutur gass er nú kominn niður í 31%, og kol og olía í sitthvort eina prósentið. Auk þess fluttu Bretar inn um 7% af raforkumagni sínu á síðasta ári — vatnsafl frá Noregi og kjarnorku frá Frakklandi — og framleiddu um 3% með sorpbrennslu. 

Orkunýtni virðist einnig hafa aukist. Þörf fyrir raforku hefur dregist saman um 22% síðan hún náði hámarki árið 2005. Þetta á einnig sinn þátt í því að auka hlut hreinorkugjafa. Þessi minni þörf orsakast einkum af betri rafmagnsnýtingu alls kyns tækja og tóla innan heimila og fyrirtækja, en einnig liggur orsökin í samdrætti í innlendri iðnaðarframleiðslu. 

Þrátt fyrir þessu góðu tíðindi um aukin hlut hreinorkugjafa er ljóst að enn er langt í land. Bresk stjórnvöld hafa sett sér það markmið að hlutur hreinorku í raforkuframleiðslu landsins verði 95% árið 2030, og 100% árið 2035. Það styttist í það. Það verkefni verður mun erfiðara í ljósi þess að talið er að raforkuþörf muni tvöfaldast á komandi árum, einkum vegna orkuskipta í samgöngum.

Ljóst er að hluturinn mun eitthvað stækka á þessu ári. Alla vega er ljóst að raforkuframleiðsla með kolum mun fara niður í 0%. Áætlað er að síðasta kolaorkuverinu, í Ratcliffe on Soar, verði lokað í september. Það hefur verið starfrækt í 24 ár. 

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …