Samfélagsmiðlar

Er verið að bjarga regnskógunum?

Úr Amazon - MYND: Pexels

Hægst hefur stórkostlega á eyðingu Amazon-regnskóganna samkvæmt nýjum tölum rannsóknarstofnana. Á milli ársins 2022 og 2023 minnkaði skógareyðing úr ríflega tveimur milljón hekturum niður í tæplega eina milljón.  

Þetta eru ánægjuleg tíðindi, þó svo ein milljón hektara sé enn of mikið. Verndun regnskóganna virðist þó samkvæmt þessu vera á réttri leið. 

Amazon-regnskógarnir gegna gríðarlega mikilvægu hlutverki þegar kemur að baráttunni við loftslagsbreytingar. Þeir eru stundum kallaðir lungu heimsins, því magn kolefnis sem þeir draga úr andrúmsloftinu og binda í lífmassa er gríðarlegt.  Samkvæmt nýjustu mælingum, gerðar af sama tilefni og áðurnefndar mælingar á skógareyðingunni, eru um 37 milljarðar tonna af kolefni bundir í trjánum og jarðveginum sem þarna er. 

Amazon-skóglendið hefur verið rutt mikið, einkum og sér í lagi til ræktunar á nautgripum. Við þessar athafnir losnar kolefnið út í andrúmsloftið og skógurinn hættir að binda það úr andrúmslofti. Alls minnkaði skógareyðing í Amazon á milli áranna tveggja um 55,8 prósent.  Mesta minnkunin var í Brasilíu og Kólumbíu. Brasilíumenn drógu saman skógarhögg um 59 prósent og Kólumbíumenn um heil 67 prósent. 

Það dregur úr skógareyðingu í Amazon – MYND: MAA Project

Ekki er úr vegi að álykta að hér spili stjórnmál sína rullu. Bæði í Brasilíu og Kólumbíu hafa ný stjórnvöld tekið við taumunum, sem boðað hafa mun meiri metnað í umhverfismálum. Á loftslagsráðstefnu Sameinuðu þjóðanna í Dubaí í desember vakti umhverfisráðherra Kólumbíu, Susana Muhamad, til að mynda mikla athygli fyrir sköruglegan málflutning og sendinefnd Brasilíu, nú þegar Lula er aftur orðinn forseti landsins, var sú fjölmennasta á ráðstefnunni, og taldi um tvö þúsund manns. 

Ef miðað er við árið 2020 er minnkun skógareyðingar enn meiri. Þá voru nærri þrír milljónir hektara ruddir. Skógareyðingin hefur því minnkað um nærri 70 prósent miðað við þá. 

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …