Samfélagsmiðlar

Hafa ekki gefið samrunann upp á bátinn

Bæði Jetblue og Spirit Airlines notast við Airbus mjóþotur. MYND: JETBLUE

Bandarískur dómari komst að þeirri niðurstöðu í vikunni að kaup flugfélagsins Jetblue á Spirit Airlines myndu hafa neikvæð áhrif á samkeppni í innanlandsflugi vestanhafs. Sérstaklega á þann hóp farþega sem hefur minna á milli handanna en Spirit flokkast sem últra-lágfargjaldafélag.

Úrskurður dómans var í anda þess sem dómsmálaráðuneyti Bandaríkjanna sendi frá sér sl. haust þar sem gefið var í skyn að samruninn yrði kærður fengi hann grænt ljós hjá dómara.

Nú hafa stjórnendur Jetblue og Spirit ákveðið að áfrýja úrskurðinum en saman yrðu félögin fimmta stærsta flugfélag Bandaríkjanna. Áfram verða Delta, United, American Airlines og Southwest langstærst.

Umsvif Spirit og Jetblue eru hins vegar töluverð á Flórídaskaganum og í kringum New York borg og markaðshlutdeildin þar hlutfallslega meiri en víðast hvar annars staðar í Bandaríkjunum.

Gengi hlutabréfa í Spirit lækkaði um helming þegar úrskurður dómarns var birtur á þriðjudaginn enda gengur reksturinn illa. Félagið hefur ekki rétt úr kútnum eftir heimsfaraldur og framundan eru viðgerðir á stórum hluta flugflotans vegna vandamála í hreyflum frá Pratt&Whitney. Reyndar telja stjórnendur Spirit að bótagreiðslur frá hreyflaframleiðandanum muni vera grunnurinn að lausafjárstöðu félagsins næstu ár.

Róðurinn hefur líka verið nokkuð þungur hjá Jetblue en forstjóri félagsins ætlar að láta af störfum af heilsufarsástæðum.

Þess má geta að Ben Baldanza, fyrrum stjórnarmaður í Wow Air, situr í stjórn Jetblue en áður en hann var lengi vel forstjóri Spirit Airliens.

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …