Samfélagsmiðlar

Hafa nú tryggt sér sjö Airbus þotur

Airbus A321 LR þoturnar komast aðeins lengra en Boeing 757 þoturnar. MYND: AIRBUS

Þær 12 Boeing 757 þotur sem Icelandair notar í dag voru framleiddar í kringum aldamótin en félagið ætlar að leggja þeim í síðasta lagi árið 2027. Það verður hins vegar fyrst árið 2029 sem félagið fær fyrstu eintökin af hinum óvenju langdrægu Airbus A321 XLR þotum sem félagið hefur keypt.

Til að brúa bilið ætlar Icelandair að leigja Airbus A321 LR þotur en þær komast aðeins lengra en Boeing 757 þoturnar. Icelandair hafði áður tilkynnt um leigu á fimm þess háttar þotum og seinni partinn í dag var sagt frá tveimur til viðbótar. Allar eru þær leigðar til lengri tíma.

„Við höfum þegar hafið undirbúning að innleiðingu þessara öflugu flugvéla sem munu taka við af Boeing 757 vélunum. Þær munu skapa spennandi tækifæri og möguleika á nýjum áfangastöðum ásamt því styðja við sjálfbærnivegferð okkar,“ segir Bogi Nils Bogason í tilkynningu.

Í viðtali við FF7 nýliðna helgi fór forstjórinn nánar yfir áform félagsins næstu ár bæði hvað varðar stækkunarmöguleika á íslenska markaðinum og möguleikana á að greiða arð á sama tíma og fjárfest er í stærri flugflota.

Fyrstu fjórar Airbus A321 LR þoturnar sem Icelandair hefur leigt verða afhentar undir lok þessa árs. Tvær bætast við á seinni hluta þess næsta og sjöunda þotan kemur hingað árið 2026. Sem fyrr segir nýtir félagið í dag 12 Boeing 757 þotur en Boeing Max þoturnar hafa tekið við hlutverki þeirra á fjölda flugleiða en í þeim eru þó færri sæti.

Nýtt efni

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …