Samfélagsmiðlar

Íbúar landsins bíða mislengi eftir sólarkaffinu

Sólarkaffi og pönnukökur - MYND: HÓ

Ísfirðingar fögnuðu hækkandi sól og að tveggja mánaða sólarleysi í bænum væri lokið þann 25. janúar. Þá tóku líklega margir fram pönnukökupönnurnar og skelltu í nokkrar sólarpönnukökur og gæddu sér á með rjóma og sultu, eða bara hinum klassíska strásykri. 

Víða um land, í djúpum fjörðum, á milli hárra fjalla, sést ekki til sólar um nokkurra mánaða skeið og hefur skapast sú hefð að fagna komu sólarinnar með sólarkaffi og -pönnukökum. Þótt Ísfirðingar búi við tveggja mánaða sólarleysi þá þurfa þeir ekki að bíða lengst allra landsmanna eftir sólinni. Á Siglufirði er formlegur sólardagur 28. janúar og á Seyðisfirði sést ekki til sólar fyrr en um miðjan febrúar.

Þótt formlegur sólardagur Ísfirðinga sé fimmtudaginn 25. janúar þá er tiltölulega algengt að Ísfirðingar bíði í enn fleiri daga eftir sólinni, enda ekki sjálfgefið að það sjáist til sólar þessa vetrardaga í lok janúar. Þennan sólardaginn lét sólin aðeins bíða eftir sér en heiðraði svo Ísfirðinga með nærveru sinni í nokkrar mínútur um klukkan þrjú. 

Frá Ísafirði

Sólin gægist inn á Sólgötu – MYND: HÓ

Formlegur sólardagur Ísfirðinga miðar við að sólin skíni í Sólgötu á Ísafirði en þó eru mismunandi hefðir meðal fjölskyldna, segir Jóna Símonía Bjarnadóttir, forstöðukona Byggðasafns Vestfjarða. Sumir miða við að sólin skíni inn um gluggana á þeirra heimili og þannig geta þeir sem búa fyrir ofan Sólgötu bakað sínar pönnukökur nokkrum dögum fyrr en þeir sem búa neðan við Sólgötu. Aðrir láta hinn formlega sólardag gilda, hvort sem sést til sólar eða ekki, og svo eru þeir sem bíða jafnvel vikum saman eftir því að sólin nái í gegnum skýin og vermi andlit Ísfirðinga. 

Þótt Seyðfirðingar bíði lengi eftir sínum sólardegi, um miðjan febrúar, má nefna að víða má finna staði þar sem sól skín enn seinna á byggð, eins og í hluta Hnífsdals. 

Nýtt efni

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …