Samfélagsmiðlar

Líklegt að uppgangur lýðflokka veiki umhverfisáherslur Evrópusambandsins

Kosið verður til Evrópuþingsins 6.-9. júní og er búist við góðum árangri lýðflokka á hægri vængnum sem ósáttir eru við núgildandi umhverfisstefnu Evrópusambandsins og grænar áherslur. Líklegt er að enn hægi á viðbrögðum til að draga úr loftslagsbreytingum og aðgerðum í þágu náttúrunnar.

Fundur á Evrópuþinginu - MYND: Evrópuþingið

Íhaldssöm öfl og hægrisinnar á Evrópuþinginu hafa lengi haft varann á gagnvart þeim kostnaði og álögum sem fylgja viðleitni Framkvæmdastjórnar og leiðandi afla Evrópusambandsins til að bregðast við neikvæðum áhrifum þungaiðnaðar og óvistvæns framleiðslulandbúnaðar. Í nóvember felldi Evrópuþingið tillögur sem miða áttu að því að draga úr notkun eiturefna í landbúnaði. Þetta var mikilvægur liður í umhverfisáætlunum Framkvæmdastjórnarinnar en meirihlutinn á þinginu lét andróður hagsmunaafla í landbúnaði ráða afstöðu sinni. Þá voru líka þynntar út tillögur sem miða áttu að því að draga úr umbúðanotkun og stuðla að meiri endurvinnslu. Meðal þeirra sem lýstu árum vonbrigðum með þessa niðurstöðu voru danskir Evrópuþingmenn.

Nú er búist við að enn fjölgi í hópi þeirra þingmanna sem vilja að farið sé miklu hægar í grænu umbreytingunni sem Framkvæmdastjórnin reynir að knýja í gegn til að markmiðið um kolefnishlutleysi árið 2050 náist. Það tekst ekki nema með því að styðja að hraða orkuskiptum, draga úr sóun, auka sjálfbærni í iðnaði og lífræna ræktun. Evrópuþingið hefur lengi stutt eindregið við þessa stefnu en það er að breytast.

Þjóðernissinnaðir lýðflokkar njóta vaxandi fylgis í Evrópu og er búist við að þeir sigri víða í komandi Evrópuþingskosningum í júní. Jafnvel þó búist sé við að á þjóðþingum margra aðildarlandanna fjölgi þeim sem vilji að gripið verði til róttækra aðgerða í loftslags- og umhverfismálum er útlit fyrir að þau sjónarmið verði í minnihluta á Evrópuþinginu og þar með verði dregið úr slagkrafti aðgerða.

Atkvæðagreiðsla á Evrópuþinginu – MYND: Evrópuþingið

Með framgangi skoðanasystkina Marie Le Pen í Frakklandi, Geert Wilders í Hollandi, Georgiu Meloni á Ítalíu og Victors Orban í Ungverjalandi er því spáð að flokkar sem andvígir eru einbeittri stefni í loftslags- og umhverfismálum tryggi sér 190 sæti á Evrópuþinginu í júní, eða 26 prósent þingsæta. Við þetta bætist við sú áhersla margra íhaldssamra þingmanna eins og kristilegra demókrata að ekki megi fara of geyst í grænu umbreytingunni með tilliti til tekjulægstu hópanna – þó ljóst sé að alvarlegar afleiðingar loftslagsbreytinga muni einmitt á endanum koma verst við þá sömu hópa.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …