Samfélagsmiðlar

Munurinn á metárinu og því nýliðna

Það fóru 7,8 milljónir farþega um Keflavíkurflugvöll í fyrra. Í samanburði við 2018 þá liggur nærri allur munurinn í fjölda tengifarþega.

Farþegar í nýjum töskusal Keflavíkurflugvallar. MYND: ISAVIA

Það var árið 2018 sem umferðin um Keflavíkurflugvöll var mest og þá voru farþegarnir þar 9,8 milljónir eða tveimur milljónum fleiri en í fyrra. Hópur komu- og brottfararfarþega var þó nærri því jafn stór bæði árin eða 5,6 milljónir á nýliðnu ári en 5,9 milljónir árið 2018.

Stóri munurinn á árunum tveimur liggur í miklu færri tengifarþegum en til þess hóps teljast þeir sem aðeins millilenda hér á landi á leið sinni yfir Norður-Atlantshafið. Gott er að hafa í huga að þessir farþegar eru taldir bæði þegar þeir lenda á Keflavíkurflugvelli og aftur þegar þeir fljúga í burtu. Komu- og brottfararfarþegar eru skiljanlega ekki tvítaldir.

Þessi aðferð hefur verið í gildi lengi og því gefur samanburður á milli ára skýra mynd af þróun mála. Og eins og sést á neðra grafinu þá var hlutfall tengifarþega mun lægra alla mánuði síðasta árs en raunin var 2018. Bilið minnkaði þó verulega í desember en verkföll, jarðhræringar og mikið framboð settu svip sinn á þann mánuð.

Vægi tengifarþega á Keflavíkurflugvelli allt árið 2023 var 28 prósent en 40 prósent árið 2018.

Nýtt efni

Tónlistarmaðurinn hefur á þessum árum lagt inn 689 lög í eigin nafni. En þrátt fyrir afar litlar vinsældir hefur maðurinn fengið útborgaðar um það bil sem svarar 90 milljónum íslenskra króna frá streymisveitunum vegna þess hve oft lögin hafa verið spiluð. Til að fá útborgað um eitt hundrað krónur frá tónlistarstreymisveitu þarf lag að vera …

Árið 2023 varð metár í komum ferðamanna til hinnar fornu, fögru og söguríku Aþenu. Um sjö milljónir erlendra ferðamanna lentu á Aþenu-flugvelli sem kenndur er við Eleftherios Venizelos, 600 þúsundum fleiri en 2019. Bandaríkjamenn voru stærsti hópurinn, ein milljón, en næst á eftir komu 687 þúsund Bretar, 478 þúsund Þjóðverjar, 462 þúsund Frakkar og 410 …

Áætlun Ryanair á komandi sumarvertíð byggir á því að félagið fái að lágmarki 50 nýjar Boeing Max þotur en forstjóri flugfélagsins, Michael O'Leary, er svartsýnn á að það gangi eftir. Nýju þoturnar verði í besta falli fjörutíu en upphaflega hafði Boeing lofað 57 nýjum Max-þotum samkvæmt frétt Bloomberg. „Það hamlar vexti okkar að vita ekki …

Stellantis er einn stærsti bílaframleiðandi heims. Í viðtali við þýska blaðið Welt am Sonntag ítrekar Carlos Tavares, forstjóri Stellantis, stuðning samsteypunnar við banni við sölu á bílum knúnum bensíni og dísil árið 2035. Ummælin falla í tilefni af því að margir spá íhaldssveiflu í Evrópuþingskosningum í júní og að í framhaldi af því verði áformum …

Það vakti athygli að fáum dögum eftir lát eins af þekktari ritstjórum The New York Times, Joseph Lelyveld, streymdu inn á Amazon-netverslunina fjölmargar nýjar ævisögur ritstjórans. Lelyveld lést í janúar í ár og þegar bróðir hans Michael fór inn á netið fáum dögum eftir útför Josephs til að sjá hvernig samferðarmenn minntust bróðurins tók hann eftir …

Skotar hafa löngum verið hrifnir af hafragraut. Fornleifarannsókn á Suðureyjum á vegum Bristolháskóla árið 2022 leiddi í ljós að hafragrautur hefur verið hluti af mataræði þeirra árþúsundum saman. Á miðöldum einkenndist veðurfar í Skotlandi af miklum raka og skornum skammti af sólarljósi. Þar af leiðandi náðu aðeins harðgerðustu korntegundir að vaxa og upp frá því …

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …