Samfélagsmiðlar

Nýjasta flugfélagið býður bara há fargjöld

Flest þau flugfélög sem fram hafa komið síðustu ár hafa skipað sér í flokk lágfargjaldafélaga. Það á ekki við um nýtt flugfélag Maldíveyja.

Í dag er Beond aðeins með eina þotu í flota sínum. MYND: BEOND

Með 44 lúxus sætum í flugvél sem getur tekið allt að 150 farþega ætlar nýjasta alþjóðaflugfélag heims að skapa sér einstaka stöðu á markaðnum. BeOnd heitir flugfélagið og í fyrstu er áfangastaðurinn aðeins einn, Maldíveyjar í Indlandshafi þar sem gott veður ríkir allan ársins hring.

BeOnd fór fyrstu ferðirnar til og frá Maldíveyjum nú í nóvember, til Munchen í Þýskalandi og Riyad í Saudi Arabíu. Til Zurich í Sviss hófust ferðirnar fyrir jól og nú í ár verður einnig flogið til Mílanó og Bangkok. Flugferðirnar til Evrópu fara í gegnum Dubai, þar sem lent er hálftíma til að fylla eldsneyti á vélina. Fyrst um sinn er flogið tvisvar í viku frá Maldíveyjum til hvers áfangastaðar.

BeOnd tryggði sér 17 milljón dollara fjármögnun (um 2,4 milljarða króna) til að hefja starfsemina með einni Airbus A319 þotu. Það er minnsta þotan í A320 fjölskyldunni og skýrir hvers vegna millilenda þarf til að taka eldsneyti.

Áform eru um að stækka flugfélagið hratt á næstu 5 árum og er stefnan sett á 50 til 60 áfangastaði með 32 þotum í lúxusútfærslu. Í samræmi við það leggur BeOnd mikið upp úr veitingum í fluginu og forgangsinnritun á flugstöðvum.
Á næsta ári hyggst BeOnd taka í notkun A321LR þotu sem getur tekið allt að 220 farþega, en í útgáfu lúxusflugfélagsins verða sætin 68 talsins.

Fargjöldin endurspegla lúxusinn og þægindin. Til að mynda kostar farmiðinn fyrir einn milli Munchen og Maldíveyja um 450 þúsund krónur og um 300 þúsund til og frá Riyad. Ljóst er að BeOnd kemur hvergi upp á leitarvélum þegar spurt er um cheap flights to the Maldives.

BeOnd er stofnað á Maldíveyjum til að mæta vaxandi áhuga ferðamanna á þessari suðrænu eyjaparadís og eignast hlut í hinni miklu alþjóðlegu flugumferð til eyjanna. Stofnfjármagn kemur frá fjárfestingasjóðum á Maldíveyjum og í Sameinuðu arabísku furstadæmunum, svo og einstaklingum.

Nýtt efni

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …