Samfélagsmiðlar

Skoði þann möguleika að herða reglur um heimagistingu vegna stöðu Grindvíkinga

„Ég trúi ekki öðru en að ríkisstjórnin skoði þennan möguleika," segir Kristrún Frostadóttir, formaður Samfylkingarinnar. MYND: ÓJ

Hús Grindvíkinga standa nú ókynt í frostinu og líklegt að mörg þeirra liggi undir skemmdum, önnur eru nú þegar ónýt. Biðin eftir því að íbúar bæjarins geti snúið heim til sín á ný verður talin í mánuðum eins og fram kom á fundum stjórnvalda í gær. Af þeim sökum boðar ríkisstjórnin nú frekari aðgerðir til að ráða bót á húsnæðimálum Grindvíkinga, meðal annars með kaupum á fleiri íbúðum. Hátt í fjögur þúsund manns eru með lögheimili í Grindavík.

Á sama tíma eru þúsundir íbúða í útleigu til ferðamanna í lengri eða skemmri tíma. Á suðvesturhorninu voru um 2.500 íbúðir til leigu síðastliðið sumar samkvæmt Mælaborði ferðaþjónustunnar. Stór hluti þessarar íbúða er líklega í eigu einstaklinga sem aðeins mega leigja út í að hámarki 90 daga á ári. Það er þó þekkt að fjöldi íbúða er einnig leigður út allt árið um kring til ferðafólks.

Samfylkingin boðaði fyrr í vetur aðgerðir til að ná stjórn á skammtímaleigu og þegar Kristrún Frostadóttir, formaður flokksins, var spurð í dag hvort takmarka ætti leyfi um skammtímaleigu, til að bregðast við húsnæðisskorti Grindvíkinga, þá sagðist hún ekki trúa öðru en sá möguleiki verði skoðaður.

„Á tímum sem þessum hlýtur allt að koma til greina. Nú er staðan sú að margir Grindvíkingar búa í sumarbústöðum, atvinnuhúsnæði, híbýlum vina og vandamanna. Á meðan eru þúsundir íbúða teknar frá fyrir skammtímaleigu ferðamanna, jafnvel allan ársins hring. Þessar íbúðir njóta í dag skakkrar samkeppnisstöðu, meðal annars vegna reglugerðar sem ráðherra ferðamála, nú fjármálaráðherra, setti árið 2018. Afleiðing er sú að skammtímaleiguíbúðir sem reknar eru sem hótelíbúðir borga lægri fasteignaskatta en annar atvinnurekstur í landinu,“ segir Kristrún og bætir við:

„Ég trúi ekki öðru en að ríkisstjórnin skoði þennan möguleika, enda allt undir í aðstæðum sem þessum. Staðan á húsnæðismarkaði er erfið og nú þarf að leita leiða til að tryggja húsnæðisöryggi fólks sem hér býr og starfar. Samfylkingin er að minnsta kosti tilbúin í þetta samtal.“

Þess ber að geta að FF7 beindi sömu spurningu til ráðherra ferðamála og bíður svars.


Áskrift að FF7 veitir þér aðgang að öllum okkar greinum og um leið gerir þú okkur kleift að efla fjölmiðilinn. SMELLTU TIL AÐ KAUPA ÁSKRIFT

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …