Samfélagsmiðlar

Hægir á rafbílavæðingu heimsins

Lúxusjeppinn Mercedes-Benz EQE SUV - MYND: Askja

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum. 

Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að áfram yrði nægt framboð af hefðbundnum jarðefnaeldsneytisbílum. Endurskoðuð áætlun Mercedes-Benz gerir nú ráð fyrir að hlutur rafbíla og blendinga verði um helmingur af heildarsölunni árið 2030. Árið 2021 gerði þýski framleiðandinn ráð fyrir að árið 2025 yrði helmingur seldra bíla að mestu rafdrifnir. 

Það sem skýrir hvernig hægt hefur á rafbílavæðingunni eru háir vextir, hagstætt verð á olíu – og hleðslukvíði. Svo virðist sem áhugi frumkvöðlanna í orkuskiptunum – þeirra sem fyrstir létu verða af því að skipta yfir í rafbíl – sé ekki lýsandi fyrir heildina eða hafi forspárgildi um sölu fram í tímann. Niðurstaðan er sú að það hægir á rafbílasölu á árinu 2024. Hér á Íslandi hefur rafbílasala minkað um helming á fyrstu vikum ársins miðað við sama tímabil í fyrra, eins og FF7 hefur greint frá. Þar hefur veruleg áhrif að ríkið dró úr ívilnunum til rafbílakaupa og nýjar álögur bættust við.

Bílar í hleðslu

Rafbílar í hleðslu á dögunum – MYND: ÓJ

Tilkynning Mercedes-Benz kemur í kjölfar þess að tveir nýir keppendur á bílamarkaði, rafbílaframleiðendurnir Rivian og Lucid í Kaliforníu, tilkynntu um fyrirhugaðan samdrátt í framleiðslu og uppsagnir starfsfólks. Hlutabréf í báðum fyrirtækjum lækkuðu síðan á markaði. 

Þessi vandræði koma í framhaldi af hörðu verðstríði á rafbílamarkaði á síðasta ári, sem gekk nærri framleiðslufyrirtækjunum og skerðir möguleika þeirra til að takast á við sölusamdrátt á þessu ári. 

Segja má að tónninn um hvers væri að vænta á árinu hafi verið sleginn í janúar þegar Elon Musk hjá Tesla, sem er leiðandi á rafbílamarkaði, varaði við því að jafnvel þó tekist hafi að draga úr framleiðslukostnaði þá mætti búast við hægari sölu á árinu. Við þessari tregðu ætlar Tesla að bregðast með framleiðslu á ódýrari rafbílum í verksmiðju sinni í Texas á seinni hluta ársins 2025. Gerir Elon Musk sér vonir um að þar með færist kraftur á ný í rafbílasöluna. 


MEÐ FLEIRI ÁSKRIFENDUM VERÐUR FF7 ENN BETRI: NÚ FÆRÐU FYRSTA MÁNUÐINN MEÐ 50% AFSLÆTTI, Á 1.325 KRÓNUR. SMELLTU HÉR TIL AÐ BÓKA TILBOÐIÐ

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …