Samfélagsmiðlar

Hjá Höllu flytur vinnsluna til Sandgerðis

Magnús Stefánsson, bæjarstjóri Suðurnesjabæjar, og Halla María Svansdóttir, veitingamaður, við undirritun samninga - MYND: Suðurnesjabær

Um næstu mánaðamót flytur veitingafyrirtækið Hjá Höllu framleiðslueldhús sitt í Vörðuna í Sandgerði. Þar verður matur unninn fyrir viðskiptavini, fyrirtæki í Reykjavík, Suðurnesjum, áhafnir í flugvélum Play og veitingastað Hjá Höllu í flugstöðinni á Keflavíkurflugvelli.

Hjónin Halla María Svansdóttir og Sigurpáll Jóhannsson hafa rekið framleiðslueldhús, vinsælt veitingahúsinu í Grindavík ásamt veitingasölu í flugstöðinni. Náttúruhamfarirnar stöðvuðu reksturinn í Grindavík og hafa eigendur leitað leiða til að halda vinnslu áfram. Um 40 manns höfðu starfað hjá fyrirtækinu.

Nú er lausn komin. Magnús Stefánsson, bæjarstjóri, fagnar komu framleiðslueldhúss Hjá Höllu í Sandgerðis en fyrir er í sveitarfélaginu samnefnd veitingasala í flugstöðinni.

Halla María við matseðilinn í Grindavík – MYND: ÓJ

Þegar blaðamaður Túrista (nú FF7) hitti Höllu Maríu að máli í Grindavík í maí í fyrra var allt á fullu á veitingahúsinu í Grindavík og framtíðin var björt:

„Við höfum keypt húsnæði fyrir framleiðslueldhús, þar sem við munum gera samlokurnar, grautana og fleira. Nýja húsnæðið fáum við afhent í ágúst. Þar var áður fiskvinnsla með góðum kælum og frystum, sem eru okkur mikilvægir. Álagið er orðið mikið í eldhúsinu hjá okkur á Víkurbraut. Hér er unnið frá klukkan sex á morgnana til klukkan eitt um nóttina. Við þurfum að baka seinnipartinn og smyrja á kvöldin,“ sagði Halla María um veitingahúsið sem var mikilvægur vinnustaður í Grindavík: „Við höfum bara verið svo heppin að hafa getað mannað störfin að mestu með heimafólki. Margt af því hefur verið hjá okkur í 10 ár. Það er alveg ótrúlegt.“

Nú er allt breytt en það dugar ekkert annað en að berjast.  

Í eldhúsinu í Grindavík – MYND: ÓJ

Nýtt efni

Árið 1952 kom út bók á Ítalíu sem bar þann fallega titil Allir okkar liðnu dagar. Í rauninni heitir bókin á ítalska frummálinu Tutti i nostri ieri, sem í beinni þýðingu væri: Allir okkar gærdagar. Bókin sem var skrifuð af ítalska rithöfundinum Natalia Ginzburg var meira eða minna gleymd af heiminum. Árið 2023 gekk bókin skyndilega og …

Amalfiströndin eða Costiera Amalfitana í Campania-héraði er talin meðal mest heillandi ferðamannaslóða Ítalíu. Ströndin snýr að Salernoflóa og Tyrrenahafi, litríkir bæirnir kúra undir bröttum hlíðum Sorrentine-skaga og hafa laðað til sín gesti víða að frá 18. öld, fyrst fína fólkið en síðan fjölbreyttari mannflóru. Yfirvöld vilja fá enn fleiri gesti og unnið er að því …

„Lítil umferð kemur sér vel. En ef bílum fjölgar mikið þá verður þetta verra því vegirnir eru ekki hannaðir fyrir bæði bíla og hjól,“ segir Tyler Wacker hjá fyrirtækinu „Cycling Westfjords“ á Ísafirði, sem bæði býður upp á þjónustu fyrir hjólreiðafólk og heldur úti „Arna Westfjords Way Challenge“, 960 kílómetra hjólreiðakeppni eftir Vestfjarðaleiðinni svokallaðri. „En …

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …