Samfélagsmiðlar

Katalónía dregur til sín flesta ferðamenn

Yfir 18 milljónir ferðamanna komu til Katalóníu á síðasta ári og tekjur af ferðaþjónustu þar hafa aldrei verið meiri. Ekkert hérað á Spáni dregur til sín fleiri gesti. 

Barselóna - MYND: Pexels/Serkan Göktay

Árið 2023 var metár í spænskri ferðaþjónustu, eins og FF7 hefur greint frá. Um 85 milljónir ferðamanna komu til landsins og tekjur af þeim voru 108 milljarðar evra. Katalónía og höfuðborgin Barselóna löðuðu til sín flesta, yfir 18 milljónir manna, sem skildu eftir 21 milljarð evra. Næstar á eftir á vinsældalistanum voru Balerísku eyjarnar þar sem Mallorca er stærst. Þangað komu 14 milljónir ferðamanna. Til Kanaríeyja komu litlu færri, eða 13,9 milljónir. 

Fjölmennustu þjóðahóparnir meðal ferðamanna á Spáni 2023 voru Bretar. Þeir voru 17,3 milljónir talsins og eyddu yfir 19 milljörðum evra, Frakkar voru 11,8 milljónir og skildu eftir 9,7 milljarða en þó Þjóðverjar hafi verið færri, eða 10,8 milljónir, þá eyddu þeir meira fé en Frakkarnir, eða 12,9 milljónum evra.

Bandarískum ferðamönnum fjölgaði mest frá árinu 2022 eða um 38,7 prósent, sem er 16,9 prósentum fleiri en komu til Spánar frá Bandaríkjunum 2019, fyrir heimsfaraldur. Bandarískir ferðamenn eyddu 7,8 miijörðum evra sem er umgtalsverð aukning frá fyrri árum. Svipaða sögu er að segja af Svisslendingum. Um fimmtungi fleiri komu til Spánar frá Sviss 2023 en 2022. 

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …