Samfélagsmiðlar

Margt skilið eftir á flugvellinum

Farþegasalur Brusselflugvallar - MYND: Brusselflugvöllur

Fólk sem fer um flugvelli tapar stundum yfirsýn á hvað það hefur meðferðis. Ysinn allt um kring, flýtir, hamagangur og troðningur, slá marga út af laginu. Þá vill það gerast að eitthvað af persónlegum eigum eða farangri verður eftir í einhverju horninu, við eitthvert borð eða á bekk sem komið er við á.

Nýtt yfirlit frá Brusselflugvelli sýnir þetta glögglega. Þetta er annasamur flugvöllur, rúmar 22 milljónir farþega fóru um hann á síðasta ári. Flestir komust heim til sín með allt sitt hafurtask en skráðir voru 21.230 hlutir sem farþegar höfðu skilið eftir í flugstöðinni. Aðeins 21 prósent þeirra voru endurheimtir af eigendum. 

Það sem starfsfólk flugvallarins finnur og geymir eru lyklar, belti, fatnaður, bakpokar og skartgripir – líka fartölvur, símar og önnur raftæki, vegabréf og skírteini, Þessu er haldið til haga í sex mánuði og getur fólk vitjað um þessar eigur sínar. 

Það sem ekki er sótt er gefið til góðgerðastofnana. Þar á meðal það sem finnst af óopnuðum ílátum utan af drykkjum, mat og snyrtivörum. Til viðbótar eru svo ílát með meira en 100 ml af vökva, sem tekin eru af farþegum í öryggisleit, jafnframt gefin þeim sem geta endurselt þessi verðmæti í góðgerðaskyni. Þessir vökvar sem fjarlægðir voru á Brusselflugvelli í fyrra vógu nærri 35 þúsund kíló. Raftæki sem ekki eru sótt eftir eftir hálft ár eru afhent belgísku hjálparsamtökunum Close the Gap, sem liðsinna þróunarríkjum við innleiðingu stafrænnar tækni, og fatnaður sem skilinn var eftir á síðasta ári og ekki sóttur fór til fórnarlamba jarðskjálftans mikla í Tyrklandi.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …