Samfélagsmiðlar

Pétur gefur kost á sér

Pétur Óskarsson, framkvæmdastjóri og annar eigenda ferðaþjónustufyrirtækjanna Katla og Viator, hefur ákveðið að gefa kost á sér í embætti formanns Samtaka ferðaþjónustunnar. Nýr formaður verður kjörinn á aðalfundi 21. mars.

Pétur Óskarsson í sjóferð

„Aðkoma mín að ferðaþjónustunni hefur verið á ýmsum sviðum og ég hef fengið að starfa í greininni í meira en þrjá áratugi, þar af meira en aldarfjórðung í eigin rekstri. Á þessum árum hefur greinin okkar vaxið úr því að vera næstum því tómstundagaman fyrir áhugasama í það að vera stærsta útflutningsgrein þjóðarinnar með öllum þeim áskorunum sem því fylgja,“ segir Pétur Óskarsson í tilkynningu um framboð sitt.

Á aðalfundinum 21. mars verður kjörin ný stjórn SAF og valinn formaður í stað Bjarnheiðar Hallsdóttur, sem lögum samkvæmt víkur úr embætti eftir að hafa gegnt því í sex ár. Þau Bjarnheiður og Pétur eru samstarfsfólk, eiga og reka fyrirtækin Katla Travel GmbH, Viator Summerhouses GmbH og Katla DMI ehf. 

„Það eru óteljandi stórar áskoranir framundan fyrir íslenska ferðaþjónustu og mörg hagsmunamál sem fyrirtækin í greininni þurfa að takast á við. Má þar nefna skatta- og gjaldtökumál, samgöngumál, innviðamál, baráttuna um nýtingu landsins, umhverfismál, samtalið við stjórnvöld og svo auðvitað samtalið við þjóðina. Velvild almennings gagnvart greininni, sem hefur fært öllum landsmönnum mikla hagsæld síðustu ár, er lykilatriði. Ég hef mikinn áhuga á þessum mikilvægu verkefnum og langar að leggja lóð á vogarskálarnar í þessum leiðangri næstu tvö árin. Því býð ég fram krafta mína í þetta verkefni,“ segir Pétur Óskarsson, sem unnið hefur við ferðaþjónustu alla starfsævina, lengst af í eigin rekstri bæði í Þýskalandi og hér heima.

Pétur Óskarsson er menntaður rekstrarhagfræðingur frá Þýskalandi, var bæjarfulltrúi i Hafnarfirði og hefur tekið virkan þátt í starfi SAF frá upphafi, sat í stjórn 2003-2004 og í ýmsum nefndum og ráðum fyrir hönd samtakanna.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …