Samfélagsmiðlar

Falla frá áformum um samruna

Spirit Airlines verður ekki hluti af Jetblue. MYND: SPIRIT AIRLINES

Fyrir tveimur árum síðan gerði flugfélagið Frontier tilboð í Spirit Airlines en bæði tvö flokkast sem últra-lágfargjaldafélög á bandaríska markaðnum. Stjórnendur Jetblue tóku sig þá til buðu hluthöfum Spirit hærra verð og var því tilboði tekið sumarið 2022.

Dómsmálaráðuneyti Bandaríkjanna lagðist hins vegar gegn samrunanum og tók dómari vestanhafs undir rök yfirvalda nú í byrjun árs. Var þá helst vísað til stöðu félaganna í flugi til og frá New York, Boston og Flórída og þeirra lágu fargjalda sem Spirit er þekkt fyrir.

Þessum úrskurði ætluðu Jetblue og Spirit að áfrýja en fyrr í dag ákváðu stjórnendur þess fyrrnefnda að falla frá þeim áformum. Vegur þar þyngt andstaða fjárfestisins Carl Icahn við samrunann en hann keypti nýverið tíu prósent hlut í Jetblue samkvæmt frétt Bloomberg.

Sameinuð hefðu Spirit og Jetblue orðið fimmta stærsta flugfélag Bandaríkjanna en rekstur beggja hefur gengið erfiðlega síðustu misseri. Sérstaklega hefur staða þess síðarnefnda slæm því hin lágu fargjöld hafa ekki dugað til að koma rekstrinum réttum megin við núllið. Stjórnendur Spirit hafa gefið út að lausafjárstaða næstu missera muni að töluverðu leyti byggja á bótagreiðslum frá hreyflaframleiðandanum Pratt&Whitney.

Þess má geta að Ben Baldanza, fyrrum stjórnarmaður í Wow Air, situr í stjórn Jetblue en áður en hann var lengi vel forstjóri Spirit Airliens.

Nýtt efni

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …