Samfélagsmiðlar

Einar og Skúli auka hlut sinn í félagi við aðra fjárfesta

Play fær 950 milljónir króna frá fjórum félögum sem tengjast tveimur stærstu einstöku hluthöfunum.

Einar Örn Ólafsson (efri til hægri) og Skúli Skúlason eru stærstu einstöku hluthafarnir í Play. MYNDIR: SWEDAVIA & PLAY

Play gaf það út í síðasta mánuði að ónefndur hópur meðal stærstu hluthafa flugfélagsins auk annarra fjárfesta hefði skuldbundið sig til að leggja félaginu til 4,5 milljarða króna. Tveir af þeim fjórum lífeyrissjóðum sem eru á lista yfir stærstu hluthafanna sögðust ætla að taka þátt.

Rökin fyrir forstjóraskiptunum um síðustu mánaðamót svo þau að Einar Örn Ólafsson, fyrrum stjórnarformaður félagsins og stærsti einstaki hluthafinn, ætlaði að auka eignarhlut sinn í félaginu og vildi fylgja þeirri fjárfestingu eftir.

Þátttaka annarra hluthafa lá ekki fyrir.

Nú hefur Play tilkynnt það til Kauphallarinnar að tvö félög sem Einar Örn tengist hafi keypt nýtt hlutafé í flugfélaginu fyrir hálfan milljarð króna. Einir ehf., sem Einar Örn á að öllu leyti, kaupir fyrir 250 milljónir og Gnitanes ehf, sem Einar Örn á 40 prósent hlut í á móti fjölskyldu Ingimundar Sveinssonar arkitekts, leggur til jafn háa upphæð.

Fyrri eignarhlutir þessara tveggja félaga í Play voru í árslok 2022 lagðir inn í Leika ehf. sem síðan þá hefur verið stærsti hluthafinn í Play.

Ekki kemur fram í kaupahallartilkynningum Play hvort þessi stærsti hluthafi flugfélagsins hafi tekið þátt í hlutafjáraukningunni en meðal meðeigenda Einars Arnar í Leika ehf. eru Kári Þór Guðjónsson, Halla Sigrún Hjartardóttir og Guðmundur Þórðarson, stjórnarmaður Kviku banka. FF7 hefur óskað eftir upplýsingum um þátttöku Leika ehf.

Fer upp fyrir 5 prósent

Skúli Skúlason, varaformaður stjórnar Play, tók líka þátt í hlutafjáraukningunni, með beinum hætti og eins í gegnum tengt félag. Skúli kom að Play löngu fyrir hlutafjárútboðið sumarið 2021 og hefur síðan þá verið með eign sína skráða á Fea ehf.

Það félag á Skúli einn og leggur það Play til 300 milljónir króna í hlutafjáraukningunni og þar með fer eignarhlutur Fea úr 4,03 prósentum í 5,4 prósent.

Til viðbótar við þessa fjárfestingu þá tók Rea ehf., móðurfélag flugþjónustufyrirtækisins Airport Associates, þátt í hlutafjáraukningunni með 150 milljón króna fjárfestingu. Skúli á 26 prósent í Rea ehf. en stærsti hluthafinn er framtakssjóður Horn IV, sem er í rekstri Landsbréfa. Sá sjóður keypti 45 prósent hlut í Rea fyrir ári síðan en Play er stærsti viðskiptavinur Airport Associates.

Þátttaka félaga sem tengjast þeim Einar og Skúla í hlutafjáraukningunni nemur því 950 milljónum króna og þar af koma 689 milljónir frá þeim tveimur með beinum og óbeinum hætti.

Félag eiginmanns Guðnýjar Hansdóttur, stjórnarmanns í Play, tók einnig þátt í hlutafjáraukningunni með kaupum á nýjum bréfum fyrir 39 milljónir króna.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …