Samfélagsmiðlar

Fyrsta kínverska breiðþotan á lokastigi hönnunar

Fyrsta C919-vélin var tekin í notkun hjá China Eastern Airlines í maí 2023 - MYND: Comac

Kínverjar stefna einbeittir að því marki að geta notað farþegavélar sem þeir smíða sjálfir, standa uppi í hárinu á risunum tveimur: Airbus og Boeing, rjúfa einokun Vesturlanda á þessu sviði og bæta úr miklum skorti á farþegavélum í heiminum. Enn er Comac þó mjög háð vestrænum framleiðsluhlutum í flugvélasmíði sinni. 

Talsmaður flugvélasmiðjunnar Comac, sem er í ríkiseigu, sagði í vikunni að fyrsta kínverska breiðþotan, C929, væri komin á lokastig hönnunar. Samkvæmt Reuters féllu þessi ummæli í framhaldi af tilkynningu undirframleiðanda um að fyrstu skrokkhlutar vélanna yrðu afhentir Comac í september 2027. Ekki hefur þó verið ákveðið hvaða mótor verður notaður í breiðþotuna.

Þetta eru fyrstu tíðindin sem berast af hönnun og smíði þessarar nýju breiðþotu frá því að Rússar hættu samstarfi um smíði tveggja ganga breiðþotu sem í fyrstu áætlun var nefnd CR929. Nú eru Rússar uppteknir í árásarstríði sínu á hendur Úkraínumönnum – en Kínverjarnir halda sínu striki:

C929-breiðþotan er brátt fullhönnuð og verður með 240-400 sæti og 12 þúsund kílómetra drægni. Á næsta áratug gætu vestrænir flugvélaframleiðendur verið farnir að finna fyrir samkeppninni frá Comac í Kína.

Flugvél Coimac af gerðinni C919 áður en hún fór í fyrsta farþegaflugið frá Sjanmghæ til Beijing 28. maí 2023 – MYND: Heimasíða Comac

Þegar hefur Comac komið tveimur farkostum á loft: Mjóþotan C191 getur verið með allt að 192 sæti. Vélin fékk vottun kínverskra flugmálayfirvalda í september 2022 og hóf farþegaflug í maí á síðasta ári. Kínversk yfirvöld þrýsta nú á um að evrópsk flugmálayfirvöld gefi C191 grænt ljós. En fyrsta kínverska farþegaþotan sem hönnuð var og smíðuð út frá alþjóðlegum viðmiðum var ARJ21, allt að 97 sæta vél sem flogið er á skemmri og meðallöngum leiðum, 2.225 til 3.700 kílómetra leiðir. Þegar hafa 128 slíkar vélar verið afhentar. ARJ21 er í notkun í Indónesíu, sem er eina landið utan Kína þar sem Comac-vélar eru í notkun. 

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …