Samfélagsmiðlar

Icelandair gerir ráð fyrir hærri hagnaði en í fyrra en meira tapi í ársbyrjun

Umfjöllun um eldsumbrot á Reykjanesi hafa slæm áhrif til skamms tíma en góð til lengri tíma að mati forsvarsfólks Icelandair. Þar er reiknað með auknum tekjum og hagnaði í ár.

Framboðið hjá Icelandair eykst um tíund í ár. MYND: DENVER FLUGVÖLLUR

Dregið hefur úr óvissu í rekstri Icelandair þar sem áhrif „ónákvæmra frétta“ af eldsumbrotum á bókanir hafa minnkað og eins hafa nýgerðir kjarasamningar til langs tíma á almennum vinnumarkaði skapað meiri stöðugleika. Af þessum sökum hafa stjórnendur Icelandair nú gefið út afkomuspá fyrir árið og gerir sú ráð fyrir að rekstrarafkoman nemi 2 til 4 prósentum ef tekjum félagsins. Frá þessu í greint í fréttatilkynningu.

Til samanburðar nam hagnaðarhlutfallið 1,6 prósenti í fyrra en langtíma markmið félagsins hljóða upp á 8 prósent. Það er því töluvert í að því markmiðið verði náð í ár.

Stjórnendur Icelandair áætla að tekjur félagsins nemi 1,6 milljörðum bandaríkjadollara nú í ár sem er viðbót um 100 milljónir dollara frá því í fyrra eða um 6-7 prósent hækkun.

Í tilkynningu segir að þessi tekjuspá byggir á afkomunni í janúar og febrúar en varað er við því að rekstrarafkoman á fyrsta fjórðungi þessa árs verði aðeins lakari en á sama tíma í fyrra. Skýringin liggi í fjölmiðlaumfjöllun um ástandið á Reykjanesi og eins auknu framboði á flugi héðan til Bretlands, Frankfurt og Amsterdam sem hafi haft neikvæð áhrif á einingatekjur, það er að segja fargjöld.

Á fyrsta ársfjórðungi í fyrra var rekstrarafkoma Icelandair neikvæð 61,6 milljón dollara eða 8,8 milljarða króna ef miðað er við meðalgengi á tímabilinu.

„Bókunarstaðan fyrir sumarið, sérstaklega á Atlantshafsmarkaðnum um Ísland er góð og er staðan á þeim markaði betri nú en á sama tíma 2023. Þá er eftirspurn frá Íslandi áfram sterk. Ísland heldur áfram að vera vinsæll ferðamannastaður þótt eftirspurn hafi veikst lítillega í samanburði við síðasta ár meðal annars vegna mikillar samkeppni við aðra áfangastaði,“ segir í tilkynningu.

Þar segir jafnframt að þrátt fyrir að alþjóðleg umfjöllun um eldsumbrotin á Reykjanesi hafi haft neikvæð áhrif á bókanir til skamms tíma munu þau til lengri tíma vekja áhuga ferðamanna á Íslandi og einstakri náttúru landsins.

„Því eru framtíðarhorfur Íslands sem ferðamannalands áfram góðar,“ samkvæmt mati forsvarsfólks Icelandair.

Nýtt efni

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …

Farþegar á leið til New York frá Róm, París, Ósló, London, Berlín eða Aþenu geta flogið beint með norska lágfargjaldaflugfélaginu Norse Atlantic. Í mörgum tilfellum er félagið með ódýrustu sætin á þessum leiðum og keppir því við íslensku flugfélögin um þá farþega sem vilja komast á milli fyrir sem minnst og setja það ekki fyrir …

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …