Samfélagsmiðlar

Óljóst hvort ódýrari Tesla verði framleidd

Það stefnir ekki í að Model 2 bílar frá Tesla verði settir í samband á hleðslustöðvum fyrirtækisins. MYND: TESLA

Áform bandaríska bílaframleiðandans Tesla um að framleiða minni og ódýrari rafbíl hafa verið lögð til hliðar. Þetta hefur Reuters-fréttastofan eftir þremur nafnlausum heimildarmönnum.

Stofnandi Tesla, Elon Musk, hafði áður lýst því yfir að næsta gerð ökutækja frá fyrirtækinu yrði minni og ódýrari en Model 3 sem í dag er ódýrasta tegundin frá bílaframleiðandanum. Sú kostar 7,6 milljónir króna hér á landi en Tesla hafði gefið út að nýi bíllinn, Model 2, myndi kosta 25 þúsund dollara vestanhafs eða 3,4 milljónir króna á gengi dagsins.

Til samanburðar þarf aðeins að greiða 5 milljónir kr. fyrir ódýrustu gerðina af Model 3 í Bandaríkjunum. Model 2 hefði þá mögulega orðið helmingi dýrari á Íslandi en í framleiðslulandinu.

Elon Musk gaf það út í ársbyrjun nýi bíllinn yrði framleiddur í Texas og stefnt væri að því að hefja framleiðslu á seinni hluta 2025.

Ekkert verður hins vegar af því samkvæmt frétt Reuters en þar segir að aukin samkeppni frá kínverskum rafbílaframleiðendum í flokki ódýrari rafbíla sé ástæða þess Tesla hafi ákveðið að leggja áætlunina til hliðar. Í staðinn munu starfsmenn fyrirtækisins alfarið einbeita sér að þróun sjálfkeyrandi bifreiða.

Hvorki Tesla né Elon Musk hafa tjáð sig um frétt Reuters en Musk birti eftirfarandi skilaboð á samfélagsmiðli sínum X-inu þar sem hann sagði fréttina hreina lygi.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …