Samfélagsmiðlar

Besta baguette í París

Árleg keppni um besta baguette brauð Parísarborgar fór fram í lok apríl. Þar bar Xavier Nétry frá Utopie-bakaríinu sigur úr býtum og hafði þar með betur en 172 aðrir þátttakendur. 

Besta baguettan í höndum Xavier Netry - MYND: Instagram / @boulangerieutopie

Síðustu þrjá áratugi hefur Syndicat des Boulangers-Pâtissiers du Grand Paris boðið fremstu bökurum borgarinnar að etja kappi við að baka brauðið sem hefur svo mikið menningarlegt gildi í huga frönsku þjóðarinnar að árið 2022 komst það á sérstaka verndarskrá UNESCO. Flestir hafa að öllum líkindum bragðað baguette brauðið sem lítur ströngustu reglum, og reyndar lögum, þegar kemur að innihaldsefnum þó lögun brauðsins sé ekki alveg jafn heilög.

Baguettes – MYND: Unsplash / Anastasia Gezalova

Í keppninni er hvert baguette dæmt út frá fimm þáttum: bakstursgæðum, bragði, hve stökk skorpan er, heildarútliti og hversu holótt brauðið er. Sigur Nétry færði honum ekki aðeins nafnbótina heldur einnig 4.000 evrur í verðlaun auk þess sem hann mun sjá ábúendum og gestum Élysée-hallar, sem er aðsetur Frakklandsforseta, fyrir baguette næsta árið. Þau brauð sem lutu í lægra haldi í keppninni voru gefin til góðgerðasamtaka í borginni sem starfrækja súpueldhús fyrir heimilislausa.

Í viðtali við Le Monde trúði Nétry lesendum sínum fyrir því að leyndardómurinn á bak við sigur í slíkri keppni lægi, eins og svo oft áður, í súrdeigsmóðurinni, nákvæmum bökunartíma og ástríðu eins og Frökkum einum er lagið. Sjálfur hefur hann verið bakari í meira en 25 ár.

Xavier Nétry fyrir utan Útópíu-bakaríið – MYND: Instagram /@xvbaker

„Engir tveir einstaklingar eiga eins súrdeigsmóður sem þýðir að í hvert sinn sem þú bakar býrðu til eitthvað algjörlega einstakt, jafnvel þó fólk fylgi sömu uppskriftinni,“ útskýrir Nétry. Hann segist gera ýmsar tilraunir með súrinn og hafi til dæmis prófað banana og sítrónu blandað við hveiti og vatn í gerjunarferlinu, sem eftir sem áður taki afar langan tíma.

Hægt er að fylgjast betur með Xavier Nétry, fremsta baguette-bakara Parísar, á Instagram síðunni hans

Og fyrir þá sem eru á leið til Parísar er rétt að benda á að Boulangerie Utopie er til húsa á 20 Rue Jean-Pierre Timbaud í 11. hverfi Parísar.

@Google Maps
Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …