Samfélagsmiðlar

Endurreisn bresku ölkránna hafin

Ashford Arms-kráin í Derbyskíri - MYND: Star Pubs & Bars

Star Pubs & Bars, sem er í eigu bresks dótturfyrirtækis hollenska bjórframleiðslurisans Heineken, ætlar að verja jafnvirði um 6,6 milljarða íslenskra króna í að opna að nýju 62 ölkrár í Bretlandi og endurnýja tæplega hundrað til viðbótar í viðleitni til að glæða viðskiptin – sérstaklega lokka þá til sín sem hafa frá heimsfaraldrinum vanist því að vinna heima hjá sér.

Þessi armur Heineken-veldisins í Bretlandi varð til þegar það ásamt Carlsberg tóku yfir rekstur hinnar fornfrægu skosku ölgerðar Scottish & Newcastle árið 2008, sem starfrækti ölkrár víðsvegar um Bretland. Nú heyra um 2.400 krár undir Star Pubs & Bars en þær voru 2.700 fyrir heimsfaraldur. Um fjórðungur þeirra fær einhverja andlitslyftingu á þessu ári: nýtt útlit og í mörgum tilvikum meiri aðskilnað á milli veitingastofu og svæðis þar sem íþróttaáhugamenn vilja fylgjast með leikjum í sjónvarpi.

Heineken stefnir að því að árinu verði dyrnar opnaðar að nýju á 62 krám sem hafði verið lokað. Hafa þá 156 krár tekið til starfa að nýju frá byrjun árs 2023. Meðal staða keðjunnar sem opnaðir hafa verið að nýju er Ashford Arms í Ashford-in-the-Water í Derbyskíri, þar sem er í boði veitingaþjónusta og gistirými.

Gert er ráð fyrir að þetta átak skapi 1.075 ný störf. Stefnt er að því að bæta einangrun kránna og stuðla þannig að orkusparnaði en það er hluti af þeirri stefnu Heineken að verða kolefnishlutlaust árið 2040.

Rebecca Skelly, sem rekur krána The Ship í Worsbrough í Barnsley, fagnar endurreisnarstarfi fyrr á árinu – MYND: Star Pubs & Bars

„Fólk vill fá sem mest út úr heimsókn sinni á hverfiskrána. Það vill gott umhverfi, mat og drykk og fá afþreyingu sem gefur tilefni til að koma sér að heiman, eins og kappleikjasýningar í sjónvarpi og skemmtiatriði. Með góðri krá er fólki skapaður vettvangur til að hittast og njóta samveru,“ segir Lawson Mountstevens, framkvæmdastjóri Star Pubs & Bars, í tilkynningu um endurlífgun bresku Heineken-kránna. Hann er bjartsýnn á að það sé að það sé að hægja á hnignun breska pöbbsins en biðlar til stjórnvalda um að draga úr gjaldheimtu af rekstrinum til að gera hann lífvænlegri.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …